Şaredariya Kobanê bi Şaredariya Lohne re mekanîzmaya hevkariyê gotûbêj kir

Di navbera Şaredariya Kobanê û Şaredariya Lohne ya Almanyayê de ji bo nîqaşkirina mekanîzmaya hevkariya pêşerojê civîneke danasînê bi rêya Zoomê pêk hat.

18 gulan, 2026 20:21

KOBANÊ

Îro, Şaredariya Gel a Kobanê bi rêya Zoomê bi Şaredariya Lohne ya Almanyayê re civînek danasînê li dar xist. Ev civîn wekî amadekariya ji bo îmzekirina peymana şirîkatî û hevkariya pêşerojê di navbera her du aliyan de pêk hat.

Şaredara Kobanê Almaz Romî, cîgirê wê Osman Mihemed û endamên Meclisa Rêveberiya Şaredariyê, Muslim Muslim û Narîn Bozo beşdarî civînê bûn.

Rayedarên Şaredariya Kobanê bal kişand ser girîngiya vê hevkariyê di piştgiriya projeyên binesazî û başkirina xizmetên ku ji welatiyan re têne peydakirin û vekirina rêyên nû ji bo hevkariya pêşerojê.

Şaredariya Almanyayê jî amadebûna xwe ya ji bo peydakirina piştgiriya teknîkî û danûstandina pisporiyê di gelek waran de diyar kir.

Di civînê de rewşa xizmetguzarî ya Kobanê, rêbazên çareserkirin û mekanîzmayên ku Şaredariya Lohen a Almanyayê dikare pêşkêş bike, hatin nîqaşkirin.

Çaverê ye civînên din di rojên pêş de di navbera her du aliyan de, bi armanca berfirehkirina asta nîqaşan, destnîşankirina pêşîniyên projeyên hevbeş û danîna plansaziyên pêkanînê, werin lidarxistin.

(fr)

ANHA