Rûsyayê bi dronan êrişî depoyek WHO’yê kir

Li gorî Reutersê,  îro piştî êrişeke bi dronan a Rûsyayê li ser navenda paytexta Ukraynayê Kîevê dûmanê reş bilind bû. Ambulans jî ber bi cihê bûyerê ve çûn.

Rêxistina Tenduristiyê ya Cîhanê (WHO) got ku di êrişa şevê de yek ji depoyên wê yên sereke ji bo hilanîna pêdiviyên bijîşkî yên mirovî li herêma Kîevê hate lêdan. WHO’yê diyar kir ku tu karmendên wê birîndar nebûne û tîmên wê berdewam nirxandina zirar û windahiyan didomînin.

Ev êriş piştî êrişên berê yên li ser depoyên WHO’yê li Ukraynayê tê, di nav de yek li Dnipro di Tebaxê de, ku bû sedema windakirina nîvê pêdiviyan û alavên ku ji bo piştgiriya bi qasî 225,000 kesan li deverên nêzîkî xetên pêşîn hatibûn armanckirin.

Kremlinê hişyarî da ku her tesîseke hilberîna çekên rojavayî li ser axa Ukraynayê dê bibe "armanceke rewa" ji bo hêzên Rûsyayê û dubare kir ku helwesta Serok Vladimir Pûtîn li ser bidawîanîna şer neguheriye.

Di heman demê de, ajansa nûçeyan a Rûsyayê TASS ragihand ku, wekî beşek ji hewldanên ji bo pêşvebirina danxwstandinên bidawîanîna şer, nûnerên Serokê Dewletên Yekbûyî yên Amerîkayê (DYA) Donald Trump, Steve Witkoff û Jared Kushner dê di destpêka hefteya bê de serdana Rûsya û Ukraynayê bikin. Kremlinê serdan piştrast nekir lê got ku têkilî berdewam dikin.

Nakokiyên di navbera Moskov û Kîevê de hîn jî berfireh in, nemaze der barê deverên ku Rûsya îdîa dike û pêşeroja endametiya Ukraynayê ya NATO’yê de. Moskovê amadebûna xwe ji bo gihîştina çareseriyek aştiyane didomîne, di heman demê de qebûl dike ku şert û mercên pêwîst ji bo çareseriyek wisa hîn nehatine danîn.

(f)