ROJEVA NAVENDA NÛÇEYAN 15-8-2024
Fermandarekî Meclisa Leşkerî ya Dêrazorê komên hikumeta Şamê ji domandina pêkanîna komkujiyan li dijî şêniyên Dêrazorê û herêmê hişyar kir û got: "Eger komên hikumeta Şamê tiştekî wiha dubare bike, em ê bersivên tund bidin."
Bi saya hevgirtina keç û xortên Minbicê û fedakariyên wan, piştî rizgarkirina ji çeteyên DAIŞˊê, Minbic ji nava kavilan ji nû ve geş bû.
Siyasetmedar û endamê Partiya El Weten El Sûrî diyar kir ku êrişên koma Dîfa El Wetenî ya girêdayî hikumeta Şamê yên li dijî kantona Dêrazorê dihêlin teror vegere û ji bo çareserkirina krîzê diyalog çareseriya herî guncaw e.
Nûçegihana JIN TV’yê û endama Koordînasyona Kongra Star têkildarî biryara darvekirinê yên ku dewleta Îranê li rojnamevan Pexşan Ezîzî û çalakvana mafên jinan Şerîfe Muhemmedî biriye, got bi darvekirinê re dê dewleta Îranê bi serhildaneke nû rû bi rû bimîne.,
Hevgirtina Al El Beyt destnîşan kir ku dewleta Tirk a dagirker li ser civakan xetere ye. Her wiha bang li gelê Iraqê, Başûrê Kurdistanê, rûspî û oldarên wan kir ku li hember dewleta Tirk bisekinin û hate gotin "Li hember dewleta Tirk a dagirker divê em li kêleka gelê Kurd erkên xwe yên olî û nîştimanî bînin cih."
Xelkê gundewarê rojhilatê Dêrazorê li goristana şehîdan a li bajarokê Ebû Hemam Şehîdên Komkujiya Şiêtat bi bîr tîne, saet 10:00ˊan. (BI WÊNE Û DÎMEN)
Xelkê bajar û herêmên Bakur û Rojhilatê Sûriyeyê salvegera 40ˊemîn a Pêngava 15ˊê Tebaxê li Qamişlo, saet 19:00ˊan, li Amûdê saet 19:00ˊan, li Çilaxa saet 20:00ˊan, li Girkê Legê saet 20:00ˊan, li Tirbespiyê saet 20:00ˊan, li Dêrikê saet 20:00ˊan, li Kobanê saet 19:00ˊan, li Şehba saet 18:00ˊan, li Hesekê, Dirbêsiyê û Til Temirê saet 19:00ˊan, li Reqa saet 18:00ˊan, bi pêxistina mûman li ser goristanên şehîdanb li dar dixe. (BI WÊNE Û DÎMEN)
Rêveberiya Xweseriya Demokratîk a Kantona Minbicê bi boneya salvegera 8ˊemîn a rizgarkirina bajêr ji çeteyên DAIŞˊê li stadyûma Beledî şahiyekê li dar dixe, saet 18:00ˊan. (BI WÊNE Û DÎMEN)
