Rêxistinên NY’ê wê destek bidin Kantona Dêrazorê
Şandeyek ji rêxistinên girêdayî Neteweyên Yekbûyî (NY), serdana Kantona Dêrazorê kir û bi nûnerên kantonê re hevdîtin kirin. Di hevdîtinan de biryarên hevkarî û piştevaniyê hatin girtin.
Şandeya NY’yê ku ji nûnerên Bernameya Xurekan a Cîhanê (WFP), Rêxistina Tenduristiyê ya Cîhanê (WHO), Bernameya Pêşketinê ya Neteweyên Yekbûyî (United Nations Development Programı-UNDP), Komîseriya Bilind a Kar û Barên Penaberan (UNHCR), Rêxistina Cîhanî ya Xurek û Çandiniyê (FAO) Fona Nifûsê ya Neteweyên Yekbûyî (UNFPA) û Nivîsgeha Hemahengiyê ya Neteweyên Yekbûyî (CHA) pêk tê, serdana Kantona Dêrazorê kir.
Sedema serdana şandeyê wekî, nirxandina rewşa mirovî û danîna plansaziya piştevaniya herêmê ya di warê xizmetguzariyê de hat nîşandan.
Şandeya ku ji aliyê Desteya Hevserokatiya Meclisa Rêveber a Kantona Dêrazorê ve hat pêşwazîkirin, piştre li ser rewşa herêmê bi rêveberiya kantonê re hevdîtin pêk anî.
Di hevdîtinê de hevserokên desteyên perwerde û fêrkirin, çandinî û berhemên sewaldariyê, Şirketa Pêşxistina Civaka Çandinî, nivîsgehên rêxistinên naveteweyî û alîkariyê, nûnerên saziyên astengdaran, nivîsgeha kar û barên kampan, nûnerên rêveberiyên aş, firin û avê jî amade bûn.
Di hevdîtinê de rewşa mirovî û pêdiviyên xelkê Dêrazorê hatin gotûbêjkirin. Di dawiya civînê de ji bo pêşxistina herêmê li ser mijarên tenduristî, perwerde, çandinî, paqijî û koçberiyê biryar hatin girtin.
Biryarên hatine girtin wiha ne:
TENDURISTÎ
Destekkirina nexweşxane û navendên tenduristiyê. Bi armanca ku xizmetên bijîşkiyê bidomin, mekanîzmeya şopandinê bê avakirin.
PERWERDE Û FÊRKIRIN
Perwerdekirina xebatkarên fêrkirinê, başkirina kalîteya perwerdedayînê, pêşwazîkirina pêdiviyên perwerdeyê û destekkirina binesaziya dibistanan.
ÇANDINÎ Û SEWALKARÎ
Zêdekirina hilberîna çandiniyê û lêkolîna rêyên telafîkirina kêmbûna ard.
AV Û PAQIJÎ
Başkirina xizmetên av û paqijiyê û çareserkirina pirsgirêkên paqijiyê.
KOÇBER
Pêdiviyên kampan werin lêkolînkirin û bi Bernameya Xurekî ya Cîhanî re hemahengî bê çêkirin.
(bb)
ANHA
Rêxistinên NY’ê wê destek bidin Kantona Dêrazorê
Şandeya NY’yê ku ji nûnerên Bernameya Xurekan a Cîhanê (WFP), Rêxistina Tenduristiyê ya Cîhanê (WHO), Bernameya Pêşketinê ya Neteweyên Yekbûyî (United Nations Development Programı-UNDP), Komîseriya Bilind a Kar û Barên Penaberan (UNHCR), Rêxistina Cîhanî ya Xurek û Çandiniyê (FAO) Fona Nifûsê ya Neteweyên Yekbûyî (UNFPA) û Nivîsgeha Hemahengiyê ya Neteweyên Yekbûyî (CHA) pêk tê, serdana Kantona Dêrazorê kir.
Sedema serdana şandeyê wekî, nirxandina rewşa mirovî û danîna plansaziya piştevaniya herêmê ya di warê xizmetguzariyê de hat nîşandan.
Şandeya ku ji aliyê Desteya Hevserokatiya Meclisa Rêveber a Kantona Dêrazorê ve hat pêşwazîkirin, piştre li ser rewşa herêmê bi rêveberiya kantonê re hevdîtin pêk anî.
Di hevdîtinê de hevserokên desteyên perwerde û fêrkirin, çandinî û berhemên sewaldariyê, Şirketa Pêşxistina Civaka Çandinî, nivîsgehên rêxistinên naveteweyî û alîkariyê, nûnerên saziyên astengdaran, nivîsgeha kar û barên kampan, nûnerên rêveberiyên aş, firin û avê jî amade bûn.
Di hevdîtinê de rewşa mirovî û pêdiviyên xelkê Dêrazorê hatin gotûbêjkirin. Di dawiya civînê de ji bo pêşxistina herêmê li ser mijarên tenduristî, perwerde, çandinî, paqijî û koçberiyê biryar hatin girtin.
Biryarên hatine girtin wiha ne:
TENDURISTÎ
Destekkirina nexweşxane û navendên tenduristiyê. Bi armanca ku xizmetên bijîşkiyê bidomin, mekanîzmeya şopandinê bê avakirin.
PERWERDE Û FÊRKIRIN
Perwerdekirina xebatkarên fêrkirinê, başkirina kalîteya perwerdedayînê, pêşwazîkirina pêdiviyên perwerdeyê û destekkirina binesaziya dibistanan.
ÇANDINÎ Û SEWALKARÎ
Zêdekirina hilberîna çandiniyê û lêkolîna rêyên telafîkirina kêmbûna ard.
AV Û PAQIJÎ
Başkirina xizmetên av û paqijiyê û çareserkirina pirsgirêkên paqijiyê.
KOÇBER
Pêdiviyên kampan werin lêkolînkirin û bi Bernameya Xurekî ya Cîhanî re hemahengî bê çêkirin.
(bb)
ANHA
