Rêxistina Sara têkildarî xwekuştinê semînerek li dar xist

Rêxistina Sara li Eyn Îsayê der barê diyardeya xwekuştinê û sedemên wê de semînerek li dar xist.

25 hezîran, 2025 15:19

EYN ÎSA

Rêxistina Sara ya li dijî Tundiya li ser Jinan der barê sedemên xwekuştinê û awayên çaresekirinê de li bajarê Eyn Îsayê yê kantona Firatê semînerek li dar xist. Jinên çalakvan û xebatkarên civakî beşdarî semînerê bûn.

Ji rêveberên Rêxistina Sara Foza Mihemed der barê mijarê de agahî dan. Fozayê da zanîn ku nebûna hişyariya civakî û kevneşopên cudakariyê di nava civakê de dibin sedema pirsgirêkên derûnî û zêdebûna diyardeya xwekuştinê.

Fozayê destnîşan kir ku hin bêdengiya li hember şêweyên tundiyê û hesabnepirsîna ji sûcdaran û hwd, bandoreke neyînî ya girîng li ser kesan dikin. Fozayê her wiha bal kişand ser girîngiya pêşvebirina çanda neqebûlkirina tundiyê.

Di semînerê de îşaret bi girîngiya hişyarkirina civakê û rola rêxistinên civakî di avakirina çandeke ku rêzê li mafên mirovan digire, hate kirin.

Di dawiya semînerê de Foza Mihemed bersiva pirsên beşdaran da.

(k)