Rêveberiya Xweser parên ardê firnên Reqayê zêde kirin

Daîreya Firnan a Giştî ya Meclisa Reqayê mîqdara ardê firnên Reqayê zêde kir, her wiha çavdêrî li karê tevahî firnên li bajêr û gundewarên wê kir ku kalîteya nan baş be.

Li Reqa û gundewarên wê 107 firin hene û rojane 207 ton ard xerc dikin, lê ev mîdar hate zêdekirin û bû 230 ton.

Serokê Daîreya Firnan a Giştî ya Reqayê Şehod El Xelef axivî û wiha got: "Em gerînendetiya firnan a giştî hewl didin nan ji tevahî welatiyan re dabîn bikin û em hewl didin kalîteya wê baş be."

Her wiha pîvana tûreke nan ji 900 gram bû hezar û 200 gram.

Koma taybet a gerînendetiya firnan a giştî bi hevkariya gerînendetiya zihmêrê re serjimariya tevahî kampên li derveyî bajêr dike, da ku pêdiviyên wan ên nan bi awayekî rêk û pêk bên dabînkirin.

El Xelef destnîşan kir ku cureya ardê ya ku tê belavkirin a herî baş e û wiha domand: "Di pêşerojê de em hewl didin jinûve firna Tişrîn sererast bikin û alavên herî nûjen bînin."

Li aliyekî din jî welatiya bi navê Xedîce El Sayir jî wiha got: "Li gorî berê kalîteya nan baş bûye. Em bi hêvî ne ev yek wisa dewam bike û parên ferd ji nan werin zêdekirin."

Welatiyê bi navê Hisên El Elî jî got: "Me giliyên xwe pêşkêş kirin û hatin bersivdan. Niha kalîteya nan pir baş bûye û pirsgirêka nan hate çareserkirin."

(fr)

ANHA