PYD: Em bang li hêzên niştîmanî dikin ku bûyerê rawestînin

PYD'ê der barê bûyerên li Siwêdayê de daxuyaniyek da. PYD`ê di daxuyaniyê de hişyarî da ku dê şerekî navxweyî li Sûriyeyê rû bide. Di heman demê de bang li hêzên nîştimanî demildest destwerdanê bikin ji bo ku rewş aloztir nebe.

14 tîrmeh, 2025 22:19

NAVENDA NÛÇEYAN

Partiya Yekitiya Demokratîk (PYD) der barê bûyerên li Siwêdayê de daxuyaniyek da.

PYD`ê di daxuyaniyê de diyar kir ku ew ji bûyerên li Siwêdayê bi fikar e ku di encamê de bi dehan sivîl û ciwan ên ji bo parastina xelkê xwe çek rakirine, jiyana xwe ji dest dan.

PYD`ê rewşa li Siwêdayê bi nîşaneyên fitneyeke hundirîn a xetere wesifand ku li dijî tevna Sûriyeyê ye û welêt ber bi şerekî navxweyî ve dibe. PYD`ê anî ziman ku `bazirganên şer û hêzên derve` berpirsên vê fitneyê ne û wê gûr dikin.

PYD'ê bang li hikumeta veguhêz a Sûriyeyê kir ku li hemberî parastina tevahî gelê Sûriyeyê xwedî li berpirsiyariya xwe derkeve, ji provakasyonan û xîtabê nefretê dûr bikeve. Her wiha bang li hêzên demokratîk û nîştimanî kir ku ji bo rawestandina şer û fitneyê destmildest destwerdanê bikin.

PYD`ê destnîşan kir ku avakirina Sûriyeya demokratîk a pirreng û nenavendî ku maf û azadiyan misoger dike û derî li pêşiya nakokiyên hundirîn digire, çareseriya rewşa li Sûriyeyê ye.

(mh-şx)

ANHA