Pirsgirêkên sînemaya Kurdî rojevek mîhrîcanê bû

5’emîn Mîhrîcana Fîlman a Rojava ya Navneteweyî, di roja 7’emîn de bi semînera "Pirsên Sînemaya Kurdî" dom kir. 

Sêmîner li Navenda Çand û Hunerê ya Mihemed Şêxo ya li bajarê Qamişlo Sêmîner ji aliyê derhêner Omer Leventoglu, derhêner û endama Komîna Fîlman a Rojava Nadiya Derwêş, senarîst û mamosteyê Peymangeha Bilind a Hunerê yê bajarê Hesekê û Dêrikê  Teymûr Evdikê û derhêner Ersîn Çelîk ve hate  dayîn.

Di semînerê de senaryo û çîrokên fîlmê Kurdî, pirsgirêkên ziman, çareserkirina wê hatin gotubêjkirin. Her wiha li ser sînemaya li Bakur û Rojhilatê Sûriyeyê û pêwîstiyên pêşketina wê hatin nirxandin û nîqaşkirin.

Axaftvanan destnîşan kirin ku sînema ne tenê zimanê axaftinê ye, di heman demê de zimanekê dide fêmkirin û bal kişandin ku di her sînemayekê de zimanek, terzek û çandek tê bikaranîn û pênasekirin, sînemaya kurdî jî zimanê fîlozofî û çîrokî dide nîşandan.

Sînemagerên axaftvan diyar kirin bibîr xistin ku salên 1895-1896`an li Ewropa û Amêrîkayê sînema ji roman, dansên şanoyê û tabloyên resman hatine çêkirin, ev jî weke zayineke hunerî hatine pênasekirin Lê li Rojavayê Kurdistanê sînema ji şer û aloziyan, her wiha ji ber doza Kurdî di qefesê de maye, lewma zêde pêş neket.

Axaftvanan anîn ziman ku di pêvajoya şoreşê de li Rojavayê Kurdistanê sînema jî bûye xebatek girîng û gotin ku sînemaya Kurdî zêdetirî balê dikişîne ser şoreş û berxwedaniya tevahî gelan û yekgirtina wan.

Semîner bi gotubêjên li ser rêyên çareseriyê bidawî bû.

(re/a)

ANHA