Pêşangeha Wênexêziyê bi dawî bû

Pêşangeha Wênexêziyê ya bi dirûşma "Bîrdanka Rengan" di roja duyemîn de bi dawî bû.

ÇAND Û HUNER

21 kanûn, 2025 16:00

KOBANÊ

Bi dirûşma "Bîrdanka Rengan" li Parka Ronîwar a li Kobanê Pêşangeha Wênexêziyê ya 6`emîn duh hatibû destpêkirin, îro di roja duyemîn de bi dawî bû.

Pêşangehê bi pêşengiya mamoste û beşdariya 17 xwendekaran ku duh hatibû destpêkirin û di roja duyemîn de bi dawî bû. Pêşengeh ji aliyê Navenda Çand û Hunerê ya Baqî Xido ve hatibû vekirin.

17 xwendekarên Beşa Wênexêziyê ya Navenda Çand û Hunerê ya Baqî Xido bi 54 tabloyan tev li pêşangehê bûne.

Têkildarî mijarê, Wênexêz Nûrcan Hecî ya 19 salî diyar kir ku ev pêşangeha wê ya 6`emîne ku tev lê dibe û got: "Tabloyên me giştî li ser pêşeng û foklora Kurdî ye. Ez bi 4 tabloyan tevlê bûme û yek ji wan tabloyên min li ser dema ku PKK`ê çekên xwe şewitandin. Ji ber ku ew çek şewitandin ji me wek rojeke nû û destpêkeke nû bû. Her wiha ji me re îrade û destpêkeke nû ye."

Nûrcan Hecî anî ziman ku ew bi hunera şêwekariyê çanda kurdî biparêzin.

Pêşangeh di roja duyemîn bi belavkirina xelatan li wênesazan bi dawî bû.

(sş/b)

ANHA