Endamekî Hêzên Ewlekariya Hundirîn şehîd bû

Fermandariya Giştî ya Hêzên Ewlekariya Hundirîn a Herêma Bakur û Rojhilatê Sûriyeyê der barê şehadeta endamekê xwe de daxuyaniyek weşand.

Di daxuyaniyê de hate gotin, endamekî Hêzên Ewlekariya Hundirîn dema erka xwe ya parastina ewlehiya herêmê û xizmeta şehîdan li bendeke kontrolê ya bajarê Hesekê pêk dianî, erebeyekê ji ber pirsgirêkên teknîkê benda kontrolê bi lez derbas û lê qelibî.

Di daxuyaniyê de hate diyarkirin ku encama bûyerê de endamekî Hêzên Ewlekariya Hundirîn bi giranî birîndar bû, şehîd bû.

Nasnameya şehîd wiha ye:

Nasnav: Mihemed El Salih

Navê dayikê: Eyşe

Navê bav: Salim

Cih û dîroka jidayikbûnê: Mexrûm- 20-2-1991

Cih û dîroka tevlêbûnê: Hesekê-13-4-2023

Cih û dîroka şehadetê: Hesekê-20-12-2025

Di daxuyaniyê de hate gotin, "şehîd Mihemed Salim El Salih di pêkanîna erka xwe de mînaka dilsozî û fedakariyê bû. Bi exlaqê xwe yê bilind û pabendîbûna bi karê xwe yên ewlehiyê dihat nasîn. Qet dudilî nekir ku xizmeta gelê xwe bike. Ewlehî û aramiya gel diparast heta ku di erkê xwe de şehîd bû."

Di daxuyaniyê de sersaxî ji malbat, xizm û hevalên şehîd Mihemed re hat xwestin û hate gotin "Xwîna şehîdan dê vala neçe. Em ê mîsyona xwe ya welatparêzî ya parastina şêniyên xwe bidodîmin û hesab ji hemû kesên ku hewl bidin ewlehiya herêmê xirab bikin, bixwazin."

(b)