Partiya Muhafazekaran bang li hikumeta Şamê kir dorpêçê bi dawî bike

Cîgirê sekreterê giştî yê Partiya Muhafazekaran Ekrem Mehşûş îşaret bi dorpêça li ser taxên Şêxmeqsûd û Eşrefiye yên Helebê û kantona Efrîn û Şehbayê kir û got: "Hikumeta Şamê planên dagirkeriyê yên dewletên dijberî gelê Sûriyeyê, bi taybet dewleta Tirk, pêk tîne. Ev nayê qebûlkirin."

Mehşûş got hemwextî erêkirina Hevpeymana Civakî ji aliyê Rêveberiya Xweseriya Demokratîk ve û biserketina Kongreya 4`an a Meclisa Sûriya Demokratîk (MSD), hikumeta Şamê dorpêça li ser herêmê girantir kir.

Her wiha Mehşûş behsa armanca hikumeta Şamê ji dorpêçkirina Şehbayê kir û got: "Hikumeta Şamê dixwaze fişarê li pêkhateyên herêmên Rêveberiya Xweser bike, ji ber ku li wan herêman demokrasî heye, her pêkhateyek mafên xwe bi dest xistyne û xebatên pêwîst têne pêşkêşkirin."

Mehşûş got dopêçkirina kantona Efrîn û Şehbayê, taxên Helebê, bi taybet di zivistanê de, sûcekî li dijî mirovahiyê ye.

Mehşûş bang li hikumeta Şamê kir ku dorpêçê bi dawî bike û got: "Li dijî xelkê me yê dorpêçkirî, neheqî ye."

Her wiha Mehşûş bang li civata navneteweyî û aliyên têkildar kir ku destwerdanê bikin da ku dorpêça hikumeta Şamê ya li ser herêmê bi dawî bibe û got: "Xelkê me yê dorpêçkirî li Şehbayê, sûriyeyî ne û ji warên xwe koçber bûne."

Ekrem Mehşûş bang li xelkê herêmê kir ku li hember hewldanên li dijî Rêveberiya Xweseriya Demokratîk bibin yek û aşkera kir ku partiya wan piştgiriya berxwedana şêniyên dorpêçkirî dike.

(şx)

ANHA