Operasyona li kampa Holê di beşên penaberên iraqî û koçberên sûriyeyî de didome
Operasyona ewlehiyê ya li kampa Holê di roja 4’an li beşên duyemîn û çaremîn ên kampê dewam dikin.
Li kampa Holê û derdora wê operasyona ewlehiyê ya ku Hêzên Ewlekariya Hundirîn, Hêzên Ewlekariya Hundirîn-Jin bi piştevaniya YPJ û QSD’ê li dijî şaneyên çeteyên DAIŞ’ê daye destpêkirin, di roja 4’an de dewam dike.
Di roja çaremîn a operasyonê de beşa duyemîn a penaberên iraqî û beşa çaremîn a koçberên sûriyeyî tên kontrokirin.
Kampa Holê kampeke herî xeternak a cîhanê ye. Tevî 13 hezar û 124 penaberên iraqî û 15 hezar û 805 koçberên sûriyeyî, 6 hezar û 385 jin û zarokên çeteyên DAIŞ’ê li kampê dimînin.
(bb)
