Netanyahu: Piştî redkirina Hizbullahê, tu rêkeftinek bi Lubnanê re nîn e

Serokwezîrê Îsraîlê Benjamin Netanyahu diyar kir ku "Îsraîl tercîh dike ku rêya dîplomatîk bi Lubnanê re bişopîne, di heman demê de ji bo danûstandinên berdewam cih bide ku di mijarên mayî yên navbera her du aliyan de pêşveçûnek çêbibe."

Desteya Weşanê ya Îsraîlê li ser zimanê Netanyahu got ku di civîna Kabîneya Ewlekariyê de Netanyahu got "Serokê Dewletên Yekbûyî yên Amerîkayê Donald Trump ji bo Îsraîlê şirîkek stratejîk e ."

Der barê têgihîştinên heyî de yên bi Lubnanê re, Netanyahu zelal kir ku peymana agirbestê "heta dawî nehatiye kirin", û diyar kir ku "piştî redkirina wê ji hêla Hizbullahê ve, niha tu peymanek di meriyetê de nîn e."

Sekreterê Giştî yê Hizbullahê Neîm Qasim duh diyar kiribû ku partiyê soz nedaye tu aliyekî ku li hember êrişên Îsraîlê li ber xwe nede yan jî bersivê nede wan û destnîşan kir ku divê agirbest hemû axa Lubnanê bê îstîsna bigire nav xwe.

Qasim got ku daxuyaniya ku ji hêla Washingtonê ve hatî dayîn encama "danûstandinên rasterast ên bêwate, şermok ji bo Lubnanê" ye.

(fr)