Mîhrîcana Fîlman a Nûjiyan di 25-31’ê Gulanê de li dar dikeve

Mîhrîcana Fîlman a Nûjiyan a Yekemîn di navbera 25-31`ê Gulanê de li Qamişlo tê lidarxistin. Li gorî bernameyê dê 37 fîlm û belgefîlm bên pêşandan.

Mîhrîcana Fîlman a Nûjiyan di 25-31’ê Gulanê de li dar dikeve
22 gulan, 2025   05:06
QAMIŞLO

Kollektîfa Kezî ya Jinên Sînemager bi piştgiriya SîneJin a Rojava û Tevgera Çanda Jinên Hîlala Zêrîn, Mîhrîcana Fîlman a Nûjiyan a Navneteweyî ya Yekemîn li bajarê Qamişlo li dar dixe.

Li gorî agahiyên ku me ji komîteya amadekar a mîhrîcanê girtine, mîhrîcan di 25-31`ê Gulanê de ye û di mîhrîcanê de 37 fîlm û belgefîlmên ji Kurdistanê û yên ji Rojhilata Navîn, Amerîka, Ermenistan û Ewropayê dê bên pêşandan. Her wiha li kêleka pêşandana fîlm û belgefîlman dê semîner û komxebat jî bên lidarxistin.

Çalakiyên mîhrîcanê danê sibehê li Navenda Çand û Hunerê ya Mihemed Şêxo û danê êvarê jî li Baxçeyê Azadî yên li Qamişlo tên lidarxistin.

25`ê Gulanê mîhrîcan saet di 20:00`an de li Baxçeyê Azadî dest pê dike.

ROJA YEKEMÎN

26`ê Gulanê saet 11:00-13:00`an semînera “Jin li pişta jinê, rêya belavkirin û mîhrîcanê fîlmên jinan” û saet 15:00`an fîlmê ‘El Vequero’ bi derhêneriya Emma Rozanski (2024) li Navenda Çand û Hunerê ya Mihemed Şêxo tê pêşandan.

Danê êvarê jî li Baxçeyê Azadî ji saet 20:00-22:00`an fîlmê ‘The Sea and it waves’ bi derhêneriya Liana & Renaud (2023) û saet 22:00`an kurtefîlmê ‘Ghalia’ bi derhêneriya Amira Sayed (2023), ‘The Far Mountain’ bi derhêneriya Lide Billelabeitia (2024) û ‘The Dream’ bi derheneriya Gulê Welat (2023) tê pêşandan.

ROJA DUYEMÎN

27`ê Gulanê li Navenda Çand û Hunerê ya Mihemed Şêxo ji saet 11:00-13:00`an semînera “Jinên Sînemager, li paş kamerayê” tê dayîn, saet 15:00`an jî belgefîlmê ‘The Desert Rocker’ bi derhêneriya Mariam Ohanyan (2022) tê pêşandan.

Danê êvarê li Baxçeyê Azadî saet 20:00`an belgefîlmên ‘The Pasha My Mother and Paşao’ bi derhêneriya Nevine Gerits (2023), saet 22:00`an kurtefîlmê ‘Zar û Zeman’ – Xece Redur (2023), Mindaly Bilur (IVF) bi derhêneriya Sameeah Salih (2024) û ‘The Last Cowboy’ bi derhêneriya Basma Sheren (2023) tên pêşandan.

ROJA SÊYEMÎN

28`ê Gulanê li Navenda Çand û Hunerê ya Mihemed Şêxo ji saet 11:00-13:00`an panela “Rewşa çêkirina fîlman li her çar parçeyên Kurdistanê û tecrubeya jinên Kurd di xebatên sînemayê de” bê dayîn, belgefîlmê ‘A Picture to Remember’ bi derhêneriya Olga Chernykh (2023) bê pêşandan.

Danê êvarê li Baxçeyê Azadî saet 20:00`an fîlmê ‘Sima`s Song’ bi derhêneriya Roya Sadat (2024), saet 22:00`an kurtefîlmên ‘As I Open My Eyes’ bi derhêneriya Ghazzal Abdullah (2023), ‘Sukoun – Amplified’ bi derhêneriya Dina Nasser (2023) û belgefîlmê ‘A Story of Homeland, Memories Of Shade’ bi derhêneriya Suha Ezzi (2025) bên pêşandan.

ROJA ÇAREMÎN

29`ê Gulanê li Navenda Çand û Hunerê ya Mihemed Şêxo ji saet 11:00-13:00`an komxebata “Gramera Fotografiyê: Ronahî, Dem, Mijar, Herikandin û Post Produksyon” tê lidarxistin.

Saet 15:00`an kurtefîlmên ‘Hîwa’ bi derhêneriya Mozhgan Kavousi (2023), ‘Kwustan’ bi derhêneriya Fatemah Bakh Shipour – Ali Bahmani, ‘Triangle’ bi derhêneriya Jino Hadi Hesen (2022), ‘I`m Not Ready’ bi derhêneriya Emma Organiza tê pêşandan.

Saet 16:00`an belgefîlmê ‘Women in Arminian Cinema’ bi derhêneriya Mariam Ohanyan (2023) tê pêşkêşkirin.

Saet 17:00`an kurtefîlmê ‘The Mother and The Bear’bi derhêneriya Yasmina El-Kamaly (2023), ‘The Key’ bi derhêneriya Sharo Shorsh tê pêşandan.

Danê êvarê li Baxçeyê Xwendinê saet 20:00`an belgefîlmê ‘Aurora`s Sunrise’ bi derhêneriya Inna Sahakyan (2022), saet 22:00`an kurtefîlmê ‘A House Near The Sun’ bi derhêneriya Miriam Samadi-Ronya Schamlian, belgefîlmê ‘I Will Wait For You By The Sea’ bi derhêneriya Rasia Yusuf (2023) û ‘Left Handed’ bi derhêneriya Nasrin Mohammadpour (2022) tên pêşandan.

ROJA PÊNCEMÎN

30`ê Gulanê li Navenda Çand û Hunerê ya Mihemed Şêxo ji saet 11:00-13:00`an komxebata “Gramera Fotografiyê: Ronahî, Dem, Mijar, Herkandin û Post Produksyon” didome.

Saet 15:00`an fîlmê ‘If You Are Afraid, You Put Your Heart Into Your Mounth And Smile’ bi derhêneriya Marie Louse Lehner (2025) tê pêşandan.

Danê êvarê li Baxçeyê Azadî saet 20:00`an fîlmê ‘Hêza’ bi derhêneriya Derya Deniz (2022) û saet 21:00`an fîlmê ‘Anqa’ bi derhêneriya Helîn Çelik (2023) tê pêşandan.

ROJA ŞEŞEMÎN

31`ê Gulanê li Navenda Çand û Hunerê ya Mihemed Şêxo ji saet 11:00-13:00`an komxebata “Gramera Fotografiyê: Ronahî, Dem, Mijar, Herikandin û Post Prduksyon’ bi dawî dibe.

Saet 15:00`an belgefîlmên ‘Ezda’ bi derhêneriya Halime Akturk (2023), ‘Fence’ bi derhêneriya Sakar Osman (2024), ‘Eve Donuş’ bi derhêneriya Dilan Engin (2023), ‘Catharsis’ bi derhêneriya Ilana Diyar (2022) û ‘Paths’ bi derhêneriya Azhin Kawa (2023) tên pêşandan.

Saet 16:00`an fîlmê ‘For Justice’ bi derhêneriya Elif Yigit (2022) tê pêşandan.

Saet 17:00`an kurtefîlmên ‘Oda Sor’ bi derhêneriya Lilian Emir Eli (2020) û ‘Mirage’ bi derhêneriya Atefeh Salehi (2022) tên pêşandan.

Saet 20:00`an li Baxçeyê Azadî bi şahiyekê Mîhrîcana Fîlman a Nûjiyan bi dawî dibe.

(sb)

ANHA