Mîhrîcana Amara bi çalakiyên hunerî bi dawî bû

Bi boneya rojbûna Rêber Abdullah Ocalan, Tevgera Ciwanên Şoreşger a Sûriyeyê ya kantona Efrîn û Şehbayê bi dirûşma “Bi ruhê şehîdan em çandê bi ser bixin û azadiya Serok Apo misoger bikin” Mîhîrcana 4ˊan a Amara duh li dar xist û îro bi çalakiyên hunerî bi dawî bû.

ROJANE

8 nîsan, 2024 23:12

ŞEHBA

Mîhrîcan li kampa Berxwedan a navçeya Fafînê ya kantona Şehbayê di roja duyemîn de berdewam kir.

Bi sedan şêniyên kantona Şehba û Efrînê li qada kampê kom bûn. Wêneyên Rêber Abdullah Ocalan, alên Tevgera Ciwanên Şoreşger û Yekitiyên Jinên Ciwan li cihê mîhrîcanê hatin daliqandin.

Di mîhrîcanê de endamê Tevgera Ciwanên Şoreşger Zu El Feqar Nêrebiyê axivî û rojbûna Rêber Abdullah Ocalan li gelê Kurd û gelên azadîxwaz pîroz kir.

Zu El Feqar Nêrebiyê behsa rola ciwanan di civakê de kir û got: “Civaka azad bi hêza ciwanên wê ava dibe. Ciwan pêşengên şoreşê ne ku fikr û felsefeya Rêber Abdullah Ocalan ji xwe re kirin bingeha şoreşa li dijî siyasetên dagirkeriya Tirk û hevkarên wê.”

Di dawiyê de Zu El Feqar Nêrebiyê bang li ciwanan kir ku li hember planên dewleta Tirk a dagirker ku hewl didin destkeftiyên şoreşê têk bibe têkoşînê mezin bikin.

Dûre koman hunerên xwe li ser dikê pêşkêş kirin. Her wiha bi gerandina govendê û xelatkirina koman mîhrîcana 4ˊan a Amara bi dawî bû.

ANHA