Mamoste Nesrîn Xidir li Hesekê jina yekemîn e ku fêrî tekwandoyê bûye

Nesrîn Xidir sala 1998`an fêrî werzîşa tekwandoyê bûye û niha zarok û jinên ciwan perwerde dike.

JIN

24 tîrmeh, 2026 04:48

HESEKÊ

CÎHAN MIHEMED

Mamoste Nesrîn Mihemed sala 1976`an li bajarê Hesekê yê Rojavayê Kurdistanê ji dayik dibe. Di sala 1998`an de dema ku temenê wê 16 salî ye, diçe klubeke werzîşê ya bajar û xwe fêrî tekwandoyê dike.

Di wê demê de ji jinan tenê Nesrîn Mihemed diçe perwerdeya tekwandoyê. Piştre derfet çêdibe ku li Şamê, Dêrazorê, Laziqiyê û Helebê jî tev li dewreyên perwerdeyê bibe.

Nesrîn du caran xelatan werdigire û kemberên reş û sor wergire. Piştre li Hesekê, Qamişlo û Şamê maçên tekwandoyê bi rê ve dibe.

Piştre Nesrîn Mihemed kluba tekwandoyê li Hesekê vedike û zarok û jinên ciwan perwerde dike. Berî çend salan gelek lîstikvan li gel wê fêr bûn û tev li turnuvayan bûn. Nesrînê bi taybet mînaka tîma Nimûr da û got wê tîmê di turnuvaya Şamê de bi ser ket û ew bi wan serbilind e.

Nesrînê got xeyala wê ew e ku jinên ciwan her tim bi serkeftî bin û hêvî kir di siberojê de tev li turnuvayên cîhanî bibin û bi ser bikevin. Di dawiyê de Nesrîn Mihemed got wan dest bi pêşwaziyan jinên ciwan kiriye ku navên xwe qeyd bikin.

(np)

ANHA