Li Tirbespiyê 42 şehîd hatin bibîranîn

42 şehîdên Mijdar û Kanûn ên bajarê Tirbespiyê bi merasîmekê hatin bibîranîn.

ROJANE

14 kanûn, 2025 14:32

QAMIŞLO

Meclisa Malbatên Şehîdan a bajarê Tirbespiyê yê kantona Cizrîrê merasîma bîranîna 42 şehîdên mehên Mijdar û Kanûnê li Hola PYD’ê li dar xist. Malbatên şehîdan, nûnerên partiyên siyasî, saziyên Rêveberiya Xweser û saziyên civaka sivîl beşdarî merasîmê bûn.

Merasîm bi deqeyek rêzgirtin dest pê kir. Piştre endamê Meclisa Malbatên Şehîdan a Bakur û Rojhilatê Sûriyeyê Rûbar Qamişlo bal kişand ser bedêlên ku pêkhateyên herêmê dane û got, xwîna pêkhateyên herêmê di rêya yekparbûna welat û parastina rûmeta gel de tev li hev bû.

Rûbar Qamişlo destnîşan kir ku Meclisa Malbatên Şehîdan soza domandina xeta şehîdan û xebata hevbeş a ji bo avakirina Sûriyeyek demokratîk û nenavendî nû dikin.

Di merasîmê de sînevîzyonek li ser şehîdên hatin bibîranîn û nirxandinên şehîdan ên der barê şehîdan de hat pêşandan.

Piştre jî wesîqeyên şehîdan hatin xwendin û radestî malbatên wan hatin kirin.

Merasîm bi dirûşman bi dawî bû.

(b)

ANHA