Li Til Temirê Navenda Komînê hat vekirin

Li ser bingeha birêxistinkirian civakê û xurtkirina rola wê di rûbirûbûna zehmetiyên xizmetî û civakî de, Meclisa bajarê Til Temirê yê kantona Cizîrê Navenda Komîna Şehîd Demhat li bajêr vekir. Di merasîma vekirinê de nûnerên Rêxistinên Civaka Sivîlî, komîteyên jinan û ciwanan û şênî amade bûn.

Hevseroka Meclisa bajarê Til Temirê Gulîxan Tahir axivî û diyar kir ku vekirina navendekê ji bo komînan li hember krîzên aborî û civakî gaveke stratejîk temsîl dike.

Gulîxan anî ziman ku pêwîstî bi hevgirtin û hevkariya civakî heye, ji ber ku komîn nûnertiya mala giştî dike. Di komînê de pirsgirêkên rojane tên çareserkirin û biryarên bingehîn tên dayîn.

Beşdaran destnîşan kir ku pêwîstî bi aktîvkirina rola jinan û ciwanan heye, ku tev li plansazî û dayîna biryaran bin. Ji ber ew yek misogeriya civakeke adilantir û hevsengîtir dûrî metoda paşguhkirinê dike.

Vekirina Navenda Komîna Şehîd Demhat, di çarçoveya gavên ku Meclisa Til Temirê ji bo pêxistina binesaziya civakê û berdewama projeya neteweya demokratîk a avakirina civakeke demokratîk û jîngehî pêk tîne de, tê. Meclisa Gelan a Demokratîk a Herêma Bakur û Rojhilatê Sûriyeyê di 28ˊê Hezîranê de biryar dabû ku ji nû ve komîn werin birêxistinkirin.

(fr)

ANHA