Li Til Hemîsê pêşbirka hespan li dar ket

Di turnuvaya hespên resen ya li Til Hemîsê de 50 siwar beşdar bûn. Ji nava wan 7 siwar bi ser ketin.

28 hezîran, 2024 13:57

QAMIŞLO

Bi tevlêbûna siwarên ji herêmên cuda yên kantona Cizîrê, turnuvaya pêşbirkên hespên resen li bajarê Til Hemîsê dest pê kir.

Komîteya Ciwan û Werzîşê ya bajêr bi koordîneya Komeleya Hespên Erebî yên Resen a Kantona Cizîrê, turnuvaya hespên resen li dar xist. Şêniyên bajêr û gundên wê, rûspiyên êlên Ereban û hêzên leşkerî di turnuvayê de hazir bûn.

Di turnuvayê de 10 pêşbirk çêbûn. Yên yekemîn, duyemîn û sêyemîn hezar û 600 metre, yên çaremîm, pêncemîn û şeşemîn hezar û 200 metre û yên heftemîn, heştemîn û nehemîn heta hezar metreyî bû. Pişbirka dawîn jî heta hezar û 800 metreyî bû. Her wiha ji ber germahiya zêde komîteyê 4 maç betal kirin.

Di 6 maçên yekemîn de, Mecid Sûriye, Diri El Zeîm, Osama El Hadî, Kasir El Hemdûên, Osama El Xalidî û Diri El Hadî bi ser ketin.

Di dawiya turnuvayê de rûspiyan û hevserokatiya Komîteya Ciwan û Werzîşê ya Til Hemîsê, siwarên serkeftî xelat kirin.

(şx)

ANHA