Li Tebqayê têkildarî xeteriyên hişbirê panel

Bi sernavê ˊXeteriyên hişbirê û rêbazên têkoşîna wêˊ Hêzên Ewlekariya Hundirîn a Kantona Tebqayê panelek organîze kir. Di panelê de nûnerên ji Rêveberiya Xweseriya Demokratîk, endamên deste û meclisên girêdayî wê, partiyên siyasî, endamên Hêzên Ewlekariya Hundirîn a Kantona Tebqa beşdar bûn. Panel li ser dika Şehîd Musenfa Ebdulkerîm a Navenda Çand û Hunerê hat lidarxistin.

Di panelê de şêwirmendê nexweşiyên derûnî Ebdulfetah El Himêdî di mijara yekemîn de axivî û behsa xeteriyên hişbirê û çawaniya têkoşîna li dijî wê di aliyên tenduristî, derûnî û perwerdehî de kir. El Himêdî wiha got: "Aliyê hişyariyê ji aliyên girîng ên rêgirtina li pêş kesên hişbirê bi kar tînin. Divê ew werin hişyarkirin ku rewşên depresyonên giran çêdikin û bi xwe re mirinê tîne. Her wiha mejiyên ciwanan û bikarhênerên wê pamendiyê qels dikin û di encamê de rewşên kuştin û binpêkirinên li dijî herêmê zêde dikin."

Di mijara duyemîn de endamê Rêveberiya Giştî ya Têkoşîna Dijî Hişbirê ya Herêma Bakur û Rojhilatê Sûriyeyê Hesen Kano axivî û got: "Em Hêzên Ewlekariya Hundirîn, rola me li dijî vê pandemiyê ew e ku nehêlin ev pandemî derbasî herêmê be, mîqdarên dikevin herêmê jî bigirin, bikarhêner, belavker û bazirganên hişbirê bigirin."

Kano wiha domand: "Têkoşîna li dijî hişbirê ne tenê erka Hêzên Ewlekariya Hundirîn e, lê belê erka tevahî civakê ye ku bigihînin civakeke tendurist, ewle û îstîqrar."

Serokê Weqfa Al El Beyt Şêx Îbrahîm El Ilêwî axivî û got: "Bandorên li ser bikarhênerên hişbirê ew e ku mirov û civakê wêran dike, li dijî armancên şerîeta îslamê di parastina pênc pêwîstiyan de (ol, derûnî, mejî, namûs û pere) ye."

Beşdaran axivî û got divê girîngî li ser xeteriya hişbirê bê dayîn, panel, semîner werin lidarxistin, bi taybet di nava ciwanan de , navendên dermankirina bikarhênerên hişbirê werin vekirin.

Panel bi belavkirina broşorên li ser xeteriya hişbirê û rêbazên têkoşîna li dijî wê, li beşdaran, bi dawî bû.

(fr)

ANHA