Li sûkeke Qamişloyê danîna keviran bi dawî bû
Bi piştgiriya dikandaran li Qamişloyê, Şaredariya Gel projeya danîna kevirên parkeyê li sûkeke bajêr bi dawî kir.
Şaredariya Gel a Qamişloyê projeya danîna kevirên parkeyê (înterlok) li sûkeke sebzeyan a Qamişloyê bi dawî kir. Proje bi piştgiriya 40 dikandaran pêk hat.
Hevseroka Şaredariya Gel a Qamişloyê Emel Şemdîn bi rêya ragihandina bidawîbûna projeyê û bi amadebûna endamên şaredariyê û dikandarên piştgirî daye, diyar kir ku projeyên ku gel bi xwe pê radibin di salên borî de zêde bûn û ji aliyekî din ve jî şaredarî bi xwe piştgiriyê di aliyê çavdêrî û pêkanînê de dike.
Emel wiha domand: "Piştî projeya danîna keviran li sûka zêr projeya danîna keviran li sûka sebzeyan jî bi dawî bû. Lêçûna projeyê ku dikandaran daye, 22 hezar dolar bû."
(fr)
ANHA