Li Şêxmeqsûd û Eşrefiyê 3 şehîd hatin veşartin

Şêniyên taxên Şêxmeqsûd û Eşrefiyê yên Helebê cenazeyên 3 şehîdan spartin axê û soza şopandina rêya wan heta pêkanîna armancan dubare kir.

ROJANE

8 ÇILE, 2025 19:48

HELEB

Şêniyên taxên Şêxmeqsûd û Eşrefiyê yên bajarê Helebê cenazeyên şervanên Yekîneyên Parastina Gel (YPG) şehîd Tolhildan Egîd (Elî Hebeş) û şehîd Elî Çîçek (Mihemed Hisên) û şervanê Hêzên Sûriya Demokratîk (QSD) şehîd Can Efrîn (Mahir Omer) ên ku li berxwedana Bendava Tişrînê ya li hemberî êrişên dewleta Tirk a dagirker şehîd bûne, li Gotistana Şehîdên Berxwedana Taxên Şêxmeqsûd û Eşrefiyê spartin axê.

Di merasîmê de rêveberê Hêzên Parastina Civakê (HPC) Fehmî Hemdî berxwedana şervanan a li Bendava Tişrînê silav kir û got: "Şervanên me canên xwe feda kirin, ne tenê ji bo Kurdan lê ji bo tevahî mirovahiyê."

Rêveberê Meclisa Leşkerî ya Helebê Şahîn Heleb diyar kir ku êrişên dewleta Tirk a dagirker bi armanca qirkirina Kurdan in, lê gelê herêmê dê bi hêzeke xurt wan êrişan têk bibe.

Birayê şehîd Can Efrîn, Ferhad Omer got: "Em bi saya hêzên xwe yên ku di tunelan de ji bo me şer dikin, li vir in. Pêwist e em destekê bidin wan û li kêleka wan bin."

Di dawiya merasîman de wesîqeyên şehîdan hatin xwendin û ji bo malbatên wan hatin radestkirin.

(mh/fr)

ANHA