Li ser parastina zarokan atolye

Desteya Jinan a Rêveberiya Xweseriya Demokratîk a Herêma Bakur û Rojhilatê Sûriyeyê û Rêxistina Têkoşîn ji bo Mirovahiyê duh atolyeyek bi dirûşma "Xurtkirina hevkariya xwecih û navneteweyî ji bo parastina zarokan li Bakur û Rojhilatê Sûriyeyê li dar xistibû.

Di atolyeyê de nûnerên rêxistin û saziyên Rêveberiya Xweser û aliyên bi karûbarên zarokan re têkildar, beşdar bûn.

Di atolyeyê de 2 mijarên sereke; pêdiviyên zarokan, xalên lawaziyê, zehmetiyên li pêşiya wan derdikevin, parsekî, şer, zewicandina zarokan û bê xwendinî hatin nîqaşkirin.

Desteya Jinan ji lidarxistina atolyeyê xurtkirina hevkariyê di navbera aliyên têkildarî de û dabînkirina siberojeke baştir armanc dike.

Di altolyeyê de banga xurtkirin, pêşxistina hişmendiya civakê, lidarxistina çalakiyên parastina zarokan di rewşên awarte de, kirin.

Atolye bi vê encamnameyê bi dawî bû:

Rawestandina êrişên dewleta Tirk a dagirker û çareserkirina krîzê bi rêbazên siyasî.

Çaksazkirin û ji nû ve avakirina binesaziyê.

Destekdayîna nivîsgehên parastina zarokan ji aliyê rêxistinan ve.

Danîna bername û mekanîzmeya parastina zarokan di rewşên awarte de.

Xurtkirina hevkariyê di navbera Rêveberiya Xweser û rêxistinên sivîl de.

Lidarxistina hemleyên hişyarkirinê der barê tenduristiya zarokan de.

Avakirina navendên tenduristiyê yên taybet a zarokan.

Pêşxistin û xurtkirina rola malbatan di parastina zarokan de.

Hêjayî bibîrxistinê ye ku Desteya Jinan a kantona Cizîrê 10'ê Îlona borî ragihandibû ku ew ê di çarçoveya çareserkirina astengiyên li pêşiya xebatên parastina zarokan de derdikevin, atolyeyan li bajarê Qamişlo li dar bixe.

(mh/şx)