Tevgera Hîlala Zêrîna a Helebê konser li dar xist

Tevgera Hîlala Zêrîn a Helebê bi dirûşma "Bi dengê hunerê em ê tecrîda Îmraliyê hilweşînin" konser li dar xist. Di konserê de hate diyarkirin ku huner di biserxistina şoreşan û bidestxistina azadiya fîzîkî ya Rêber Abdullah Ocalan de, roleke mezin dilîze.

ROJANE

15 mijdar, 2024 18:32

HELEB

Ji bo şermezarkirina pergala îşkence û qirkirinê ya li dijî Rêber Abdullah Ocalan û teqezkirina girîngiya hunerê di serkeftina şoreşan de, Tevgera Hîlala Zêrîn a Helebê li taxa Şêxmeqsûd a Helebê konser li dar xist.

Konser li hola Star Layt a herêma Şiqeyêf a taxa Şêxmeqsûd hat lidarxistin. Endam û rêveberên saziyên sivîl, partiyên siyasî, komîn û meclisan tev li konserê bûn.

Endama Tevgera Hîlala Zêrîn Zeyneb Elî diyar kir ku huner wateyê dide jiyanê û roleke wê ya mezin di biserxistina şoreşan de heye.

Zeyneb Elî wiha domand: "Hunera rastîn dîrok û reseniya mirov bi wî dide naskirin, em ê jî bi hunera xwe heta bidestxistina azadiya fîzîkî ya Rêber Abdullah Ocalan têkoşîna xwe bidomînin."

Piştre komên şehîd Zîlan, şehîd Barîn û şehîd Vejîn ên Tevgera Hîlala Zêrîn stran û koma şehîd Hêzil berhemên folklorî pêşandan.

(mh/şx)

ANHA