Li Şehbayê şehîdên Ciwanên şoreşger hatin bibîranîn

Endamên Yekitiya Jinên Ciwan Viyan Kobanê, Nûjiyan Ocalan, Rojîn Ehmed Îsa û endamên Tevgera Ciwanên Şoreşger a Sûriyeyê Welîd Mihemed Menal, Murhef Xelîl Îbrahîm û Mesûd Îbrahîm di salvegera duyemîn a şehadeta xwe de bi merasîmekê hatin bibîranîn.

ROJANE

25 kanûn, 2023 18:54

ŞEHBA

Endamên Yekitiya Ciwanan Viyan Kobanê, Nûjiyan Ocalan û Rojîn Ehmed Îsa û endamên Tevgera Ciwanên Şoreşger a Sûriyeyê Welîd Mihemed Menal, Murhef Xelîl Îbrahîm û Mesûd Îbrahîm 25’ê kanûna 2021 li konabê di êrişa hewayî ya dewleta Tirk a dagirker li Kobanê de şehîd bibûn.

Bi boneya salvegera duyemîn a şehadeta wan Tevgera Ciwanên Şoreşger a kantona Efrîn û Şehba bi merasîmekê li pêkrewana şehîdên Berxwedana Serdemê ya gundê Ehrezê hatin bîranîn.

Di merasîmê de Endama Yekitiya Jinên Ciwan a kantona Efrîn û Şehbayê Zeyneb Îbrahim axivî û soza domandina rêya şehîdan da.

Zeyneb Îbrahîm di berdewama axaftina xwe de diyar kir ku dewleta Tirk a dagirker ji hêza jin û ciwanan ditirse, ji ber vê dike hedef û got: " Heta kesayetên weke Viyan û Nûjiyan hebin em ê her bi ser bikevin.

Zeyneb di dawiye de soza domandina rêya wan da û wiha got: “Heta dilopa dawî xwînê xwe em ê li ser xeta şehîdên xwe berxwedan û têkoşînê bikin ji bilî wê tu rêyên me tune ne. "

Di dawiyê de li ser gora pêkrewanan mûm hate vêxistin.

ANHA