Li Şedadê pêvajoya hilbijartinên şaredariyan ji gel re hate şîrovekirin

Li Hesekê ji bo şîrovekirina pêvajoya hilbijaritnên şaredariyan, civînek ji şêniyan re hate lidarxistin. Di civînê de girîngiya hilbijartinan û rêbaza tevlêbûna wê hate şîrovekirin.

ROJANE

7 nîsan, 2024 15:54

HESEKÊ

Partiya Yekitiya Demokratîk (PYD) şaxê Şedadê ji bo şîrovekirina pêvajoya hilbijartinên şaredariyan, civînek ji şêniyên navçeyê re lidar xist.

Komîseriya bilind a hilbijartinan a Bakur û Rojhilatê Sûriyeyê 28`ê Adarê ragihand ku 30`yê Gulanê wê hilbijaritnên şaredariyan li herêmê bên lidarxistin.

Di civînê de şêniyên navçeyê, endamên saziyên Rêveberiya Xweseriya Demokratîk û endamên partiyan tev li civînê bûn.ç

Endamê rêveberiya PYD`ê şaxê navçeya Şedadê Fadil El Ehmed têkildarî civînê ji ajansa me re wiha axivî: "Ji bo ku em şêniyan bi hilbijartinan bidin nasandin, em van civînan li dar dixin. Ji wan re girîngiya hilbijartinan û dê çawa tev lê bibin, bandora van hilbijartinan li ser saktorên jiyanê û pêvajoya dû hilbijartinan şîrove bikin."

Her wiha di civînê de endamê rêveberiya PYD`ê şaxê Şedadê Mihêdî El Dexîm axivî û diyar kir ku di çarçoveya pêkanîna bendên Hevpeymana Civakî de hilbijartin dê werin lidarxistin.

El Dexîm, daxuyaniya Komîseriya Bilind a Hilbijartinan xwend û ji beşdaran re şîrove kir.

Çave rêye ku li bajar û navçeyên herêmê wek vê civînê bê lidarxistin.

(şx)

ANHA