Li Şedadê li ser girîngiya azadiya fîzîkî ya Rêber Abdullah Ocalan panel
Beşdarên panela li bajarê Şedadê ya bi navê "Ocalan: dema ku azadî dibe pirsekî hebûnê" destnîşan kir ku fikrên Rêber Abdullah Ocalan banga edalet, wekhevî û azadiya jinan dikin û teqezî bi girîngiya pêkanîna azadiya wî ya fîzîkî da.
Partiya Nûjenî û Demukratî Bo Sûriya paneleke diyalogê bi navê "Ocalan: dema ku azadî dibe pirsekî hebûnê" li hola Meclisa bajarê Şedadê yê kantona Cizîrê li dar xist.
Tê de nûnerên sazî û rêveberiyên sivîl û partiyên siyasî beşdar bûn.
Di serî de serokê partiyê Fîras El Qesas bi dîmena vîdyoyê li ser fikrên Rêber Abdullah Ocalan, kesayeta wî û girîngiya azadiya wî ya fîzîkî axivî.
Piştre endama Însiyatîfa Azadiya Rêber Abdullah Ocalan a Sûriyeyê Nuha Omer teqezî bi girîngiya rola Rêber Abdullah Ocalan di pêkanîna wekheviya gelan de, da.
Nûnera partiyê Heyfa Mehmûd jî destnîşan kir ku armanc ji panelê pênasekirina fikrên pêkanîna wekhevî, edalet û azadiya jinan ên Rêber Abdullah Ocalan e.
Nûnerê partiyê Îbrahîm El Telac piştgiriya xwe ji doza Rêber Abdullah Ocalan re nîşan da û got ku doza edalet û wekheviyê dozeke mirovî ya hevbeş a ji hezaran sal e.
Di berdewama panelê de parêzer Beşîra Cemaledîn destnîşan kir ku revandina Rêber Abdullah Ocalan di encama komployeke navneteweyî de bû û armanc jê dûrxistina wî ji mafên siyasî û civakî ye.
(mh)
ANHA
