Li Rûsyayê li dijî benderekê êriş

Rûsyayê ragihand ku bi dronan bendera Primorsk a nêzîkî Fînlandiyayê hat bombebarankirin. Di encamê de zirar li depoyên sotemeniyê bû. Her wiha da zanîn ku zêdetirî 50 dronên Ukraynayê xistine xwarê.

23 adar, 2026 12:13

NAVENDA NÛÇEYAN

Desthilat Rûsyayê îro ragihand ku bi droneyan bendera Primorsk a herêma Lenîngradê ya li bakurê rojavayê Rûsyayê hat hedefkirin û tê de şewat derket.

Parêzgarê herêma Lenîngradê Alexander Drozdenko daxuyaniyek li ser Telegramê parve kir û diyar kir ku parastina hewayî zêdetirî 50 dron rûxandine. Her wiha îşaret pê kir ku di depoyeke sotemeniyê ya li bendera Primorskê de şewat derketiye û karker ji cihê bûyerê hatine derxistin û tu birîndar nehatine ragihandin.

Bendera Primorsk li ser Deryaya Baltîkê û di navbera sînorê Fînlandiyayê û St. Petersburgê de ye. Bender ji bo hinardekirina petrola Rûsyayê bendereke girîng e.

Wezareta Parastinê ya Rûsyayê duh ragihand ku sîstemên wê yên parastina hewayî di nava 2 saetan de li ser 6 herêmên Rûsyayê 60 dronên Ukraynayê rûxandine. Wezaretê di daxuyaniyekê de da zanîn ku 33 dron li ser herêma Bryansk, 14 li ser Smolensk, 7 li ser Novgorod, 3 li ser Lenîngradê, 2 li ser Tverê û dronek li ser Kurskê hatin xistin.

(bb)