Li Rojava seferberî didome û gel parastina xwe dike

Gelê Rojava li hemberî êrişên çeteyên Hikûmeta Demkî û çeteyên dewleta Tirk a dagirker parastina xwe dike.

ROJANE

30 ÇILE, 2026 10:10

NAVENDA NÛÇEYAN

Roja 6`ê Çile çeteyên Hikûmeta Demkî ya yên ku destekê ji dewleta Tirk a dagirker digirin, êrişeke berfireh li dijî Herêma Bakur û Rojhilatê Sûriyeyê dan destpêkirin. Gelê Rojava 24 roj li hemberî êrişên leşkerî û êrişên bi rêya ragihandinê têne kirin li ber xwe didin û tax, gund û bajarên xwe diparêzin.

Di vê têkoşîn û berxwedanê de bi taybet jin ji gelek aliyan ve li ber xwe didin, li hemberî şer, koçberî, şerê taybet berpirsyartî rakirine. Li taxan û li ser bendên kontrolê yên gund û bajaran çek rakirine û parastinê dikin.

Gel bi rêya komîn û komîteyên hatine ava kirin, xwe birêxistin dikin. Pêdiviyên koçberên Efrîn, Serekaniyê, Girê Spî, Kurdên Reqayê û Tebqayê pêk tînin. Şêniyên gund û bajaran ji aliyê komîteyan ve hatine birêxistin kirin û bi roj û şev parastinê dikin.

Gelê Rojava têkoşîna parastina deskeftiyên şoreşa Rojava dikin û nerazî ne ku çeteyên Hikûmeta Demkî ya Sûriyeyê derbasî herêma wan bibin.

ANHA