Li Reqayê meşa ji bo piştgiriya QSD’ê

Yekitiya Werzîşê ya Herêma Bakur û Rojhilatê Sûriyeyê ji bo piştgiriya berxwedana QSD’ê meşek li bajarê Reqayê li dar xist.

ROJANE

27 sibat, 2025 17:38

REQA

Yekitiya Werzîşê ya Herêma Bakur û Rojhilatê Sûriyeyê ji bo piştgiriya berxwedana Hêzên Sûriya Demokratîk (QSD) bi dirûşma "Bi rihê berxwedana Bendava Tişrînê em ê teqez bi ser bikevin" li bajarê Reqayê meşek li dar xist.

Meşê li pêş stadyûma beledî ya li bajêr bi beşdariya girseya ciwan û werzîşvanên ji tevahî kantonên Herêma Bakur û Rojhilatê Sûriyeyê û xelkê Reqayê dest pê kir.

Li pêş avahiya Meclisa Werzîşê ya Reqayê meş rawestî. Li wir endama Yekitiya Werzîşê Hêva Bekir axivî û got: "QSD nûnertiya tevahî pêkhateyên herêmê dike û dê li ser şopa şehîdan parastina xakê bidomîne."

Piştre hevserokê Desteya Ciwan û Werzîşê ya Herêma Bakur û Rojhilatê Bozan Berkel axivî û got: "Ey werzîşvanên azad ên Reqayê, îro dê Rêber Abdullah Ocalan nuqteyan deyne ser tîpan û di vê roja dîrokî de û dê tevahî gelên herêmê ji zilm û desthilatê xelas bike."

Di dawiya meşê de beşdaran dirûşmên silavkirina berxwedana QSD’ê berz kirin.

(fr)

ANHA