Li Reqayê kesê xwe efserekî ewlehiyê nîşan dida hat girtin

Navenda Ragihandinê ya Hêzên Ewlekariya Hundirîn a Bakur û Rojhilatê Sûriyeyê bi daxuyaniyekê aşkera kir ku hêzan kesê xwe weke efserekî nîşan dide û li ser gel xapandin dikir, hat girtin.

Di daxuyaniyê de hate gotin ku "Roja Çarşemê (29 Cotmeh 2025) kesê bi navê Xelîl Îbrahîm Nehman ku navê “Hogir” li xwe kiriye û xwe weke efserekî ewlehiyê nîşan dida, sûcên sextekarî, xapandin û diziyê dikir, hat girtin. Ev yek piştî gelek gilî û gazincan ji xwediyên dikanên bazirganiyê yên bajêr, hate kirin.

Tawanbar xwe weke berpirsên ewlehiyê û rêveberên saziyên sivîl û leşkerî nîşan dida û ev nav ji bo xapandina xwediyên dikanan bi kar dianî. Ji ber ku her carê xwe bi navekî nû; ji navên fermandar an jî rêveberan xwe nîşan dida.

Piştî lêkolîneke berfireh, berhevkirina agahiyan û vegerandina dîmenên kamerayên çavdêriyê, nasnameya kesê girtî hate naskirin û ew bi navê Xelîl Îbrahîm Nehman e, piştî girtin û lêpirsînê, wî tawanên kirine îtîraf kirin.

Hejmarek tişt pê re hatin desteserkirin, di nav wan de kelûpelên malê û zêrên sexte.

Hêzên me tekez kir ku ji bo eşkerekirina hûrgiliyên li ser çalakiyên tawanbar û alî yan jî kesên ku dibe ku bi wî re di kiryarên sextekarî û xapandinê de beşdar bibûn, lêpirsîn dewam dike."

(fr)