Li Reqayê mûm li ber gorên şehîdan hatin pêxistin

Şênî û malbatên şehîdan ên kantona Reqayê li ber gorên şehîdên kantonê mûm pêxistin û got ew ê rêça têkoşînê û dilsoziya bi şehîdên xwe re dewam bikin.

ROJANE

6 gulan, 2025 22:54

REQA

Bi boneya Cejna Şehîdan a Sûriyeyê (6'ê Gulanê) Meclisa Malbatên Şehîdan a kantona Reqayê li pakrewangehên şehîdên ên li herêmên Hikumiye û Cidêdat ên kantonê çalakiya bibîranînê li dar xist.

Di çalakiyê de şêniyên kantonê, malbatên şehîdan, nûnerên saziyên sivîl û leşkerî, Kombûna Jinan a Zenûbiya, partiyên siyasî û nûnerên Rêveberiya Xweseriya Demokratîk a Herêma Bakur û Rojhilatê Sûriyeyê amade bûn.

Di çalakiyê endamê Desteya Malbatên Şehîdan û Gaziyan a kantonê Mihemed Ebû Delîl got di 6'ê Gulana 1916’an dewleta Osmanî re 21 rewşenbîrên daxwaza azadiyê kirine bi dar ve kirin û wan bi bîr tînin.

Ebû Delîl diyar kir ku desthilatên Osmanî Cemal Paşa El Sefah erkdar kir ku gelek Sûriyeyî û Lubnaniyan bi dar ve bike, her wiha êrişên dewleta Tirk a dagirker ên li dijî Til Rifet, Minbic û Şehbayê û berdewamkirina êrişên li ser Herêma Bakur û Rojhilatê Sûriyeyê jî bi bîr xistin.

Piştre koma zarokan a Baxçeya Gerstêrka Zarokatiyê berhemek li ser şehîdan pêşkêş kir û beşdaran mûm li ser gorên şehîdan pêxistin.

(mh/fr)

ANHA