Li Reqayê akademiyek hat vekirin

Li Reqayê bi merasîmekê Akademiya Mezopotamya ya Dada Civakî ya Şehîd Şernaz hat vekirin.

ROJANE

2 îlon, 2025 17:13

NAVENDA NÛÇEYAN

Li gorî nûçeya malpera fermî ya Rêveberiya Xweseriya Demokratîk a Herêma Bakur û Rojhilatê Sûriyeyê (DAANES), Meclisa Edaleta Civakî ya Rêveberiya Xweseriya Demokratîk Bakur û Rojhilatê Sûriyeyê, îro Akademiya Mezopotamya ya Dada Civakî ya Şehîd Şernaz vekir.

Akademiya Mezopotamya ya Dada Civakî ya Şehîd Şernaz bi armanca pêşxistina pergala dadweriyê û xurtkirina rêgezên edaleta civakî bi merasîmekê hat vekirin.

Di merasîma vekirina akademiyê de hejmarek dadwer û nûnerên meclisên edaleta civakî yên herêmê û endamên Hêzên Ewlekariya Hundirîn amade bûn.

Piştî merasîma vekirinê, bi beşdariya 36 dadwerên ji Dozgeriya Giştî û endamên nivîsgehên Têkoşîna li dijî Terorê yên Hêzên Ewlekariya Hundirîn, dewreya perwerdeyê ya yekemîn hat destpêkirin.

Dewreya perwerdeyê bi navê "Sûcên elektronîkî Elktironîk" hatiye vekirin, dê 3 rojan dewam bike. Di dewreyê de dê semîner li ser sûcên dîjîtal, encamên wan ên qanûnî û cezayên wan werin danîn.

(ac/bb)

ANHA