Li Reqa û Minbicê salvegera damezirandina KJK'ê hat pîrozkirin

Jinên kantonên Reqa û Minbicê salvegera 19'an a damezirandina KJK'ê pîroz kir û bi wê boneyê li goristana şehîdan a kantonê dar çandin.

ROJANE

18 nîsan, 2024 17:17

REQA

Bi boneya salvegera 19'an a Komalên Jinên Kurdistanê (KJK) Kombûna Jinan a Zenûbiya û Tevgera Çanda Jinên Hîlala Zêrîn a Bakur û Rojhilatê Sûriyeyê şahiyek li hola Mişwar li dar xist. Di şahiyê de şêniyên kantonê, endamên tevger û rêxistinên jinan û Meclisa Rêveber a Rêveberiya Xweseriya Demokratîk a kantona Reqayê beşdar bûn.

Di şahiyê de berdevka Kombûna Jinan a Zenûbiya Buseyne Ebdo li ser dîroka damezirandina KJK'ê axivî.

Kongra Star jî bi vê boneyê peyama pîrozkirinê da.

Şahî bi gerandina govendan li ber stranên folklorî bi dawî bû.

Girêdayî wê, li kantona Minbicê peyama Koordînasyona Kongra Star hat xwendin û li goristana şehîdan a kantonê gul hatin çandin.

Endamên Meclisa Kombûna Jinan a Zenûbiya, partiyên siyasî, meclisên sivîl, rêxistinên civaka sivîl, Meclisa Malbatên Şehîdan û Rêveberiya Xweseriya Demokratîk a kantonê beşdariya çalakiya çandina gulan bûn.

(mh)

ANHA