Li Kobanê Festîvala 8ˊemîn a Zarokan dest pê kir

Bi amedebûna bi 200 zarokan, li Qada Jina Azad Festîvala 8ˊemîn a Zarokan, bi daxuyaniyekê dest pê kir. daxuyanî ji aliyê  Endama Tevgera Hîlala Zêrîn a Kantona Firatê Rehef Feysel hate xwendin.

Festîvala ku du rojan dewam bike bi beşdarbûna 200 zarokên ji Kobanê, Sirîn û Eyn Îsa birêve diçe. Dê zarok bi riya komên mûzik, govend, şano û pêşbirkan hunera xwe pêşkêş bikin.

Piştî xwendina daxuyaniyê zarokan bi stranên xwe berê xwe dan Navenda Baqî Xido ya Çand û Hunerê ya bajarê Kobanê. Li wir ji aliyê Tevgera Hîlala Zêran û TEV ÇANDˊê ya Kantona Firatê ve Festîvalek hate pêşkeşkirin. Festîval bi diruşma "Em jî dixwazin Rêber Abdullah Ocalan bibînin" hatiye organîzekirin.

Festîvalê bi deqeyek rêzgirtin destpê kir, pişt re endama Hîlala Zêrîn û mamosteya zarokan a Tevgera Hîlala Zêrîn Silava Bozî axivî û got: "Em Festîvala 8ˊemîn a Zarokan li tevahî zarokên cîhanê pîroz dikin. Bi taybet zarokên Bakur û Rojhilatê Sûriyayê.

Silava Bozî bal kişand li ser nameya Rêber Apo ya ku ji zarokan ra şandiye de dibêje silavên min li zarokan hemûyan bikin û bêjin; Rêber wê ji bo we hemûyan dijî û ji we pir hez dikim.

Festîval wê sibe bi huner û komên din dewam bike.

(mm)

ANHA