Li Hesekê şehîdên Meclisa Bêt Nehrên hatin bibîranîn

Saziya Malbatên Şehîdan a Suryan-Asûrî li Parkrewangeha Şehîdên Suryan-Asûrî ya li Hesekê, salvegera Şehîdên Meclisa Bêt Nehrên a Neteweyî organîze kir.

Di çalakiyê de bi dehan şêniyên Hesekê, endamên saziyên sivîl, malbatên şehîdan û Hêzên Ewlekariya Hundirîn amade bûn.

Di çalakiyê de endamê Desteya Rêveber a Partiya Yekitiya Suryanî Gabrîal Şamûn axivî û got: "Bi dehan şehîdên me yên ku di her qad û eniyên cuda yên têkoşîna me ya rizgariya neteweyî de beşdar bûn, heta nefesa xwe ya dawî li ber xwe da û îradeyek xurt nîşan dan. Têkoşîna me ya neteweyî xwedî şiyana mezinbûna zêdetir bû. Şehîdan û gelê me li hember xaka Bêt Nehrên erkên xwe pêk anîn."

Li aliyekî din jî endamê Fermandariya Giştî ya Meclisa Leşkerî ya Suryanî Ebcer Nohomo axivî û diyar kir ku roja salvegerê nûkirina sozê û dilsoziya bi kesên canê xwe di oxira doza gelê xwe de daye, ye.

Hevserokê Saziya Malbatên a Suryan-Asûrî Armîn Mardo got: "Têkoşîna ku şehîdên me dane, ji bo me vîn û berdewama dozê ye."

Çalakî bi pêxistina mûman li ser gorên şehîdan û girîngîdayîna berdewamkirina têkoşînê heta pêkanîna hêviyên şehîdan ên azadî û rûmetê, bi dawî bû.

(fr)