Li herêma Bakur û Rojhilatê Sûriyeyê agirê Newrozê tê pêxistin

Di çarçoveya çalakiyên ji bo Newrozê têne lidarxistin de, şêniyên navçeya Çelebiye ya kantona Firatê agirê Newrozê li gundê Kewçkemît a li başûrê navçeyê dadan.

Agirê Newrozê ji aliyê dayikên şehîdan ve hate dadan û dûre berhemên hunerî hatin pêşkêşkirin.

Li navçeya Holê pêkhateyên xwe yên Kurd û Ereb agirê Newrozê dadan.

Piştre hevseroka Şaredariya Gel a navçeyê Xade Ebdulqadir Newroz li gelên Herêma Bakur û Rojhilatê Sûriyeyê û gelê Kurd bi taybet pîroz kir.

Govend li ber stranên şoreşgerî hatin gerandin.

Li navçeya Til Birak şêniyan di çalakiyekê li qada şaredariyê ya navenda navçeyê de agirê Newrozê dadan.

Hevseroka Şaredariya Gel a navçeyê Yusra Mihemed got: "Newroz roja vejîna gelê Kurd e."

Piştre govend li ber stranên şoreşgerî hatin gerandin.

Di heman çarçoveyê de li taxa Şêxmeqsûd a Helebê jî çalakiyek ji aliyê Partiya Yekitiya Demokratîk (PYD) ve hat lidarxistin.

Di çalakiyê de Newroz, sembol û girîngiya wê ji bo gelê Kurd hat şîrovekirin.

Li gund, navçe û bajarên Herêma Bakur û Rojhilatê Sûriyeyê çalakiyên pîrozbahiya Newrozê didomin.

Îsal li 14 navendên Herêma Bakur û Rojhilatê Sûriyeyê bi dirûşma "Ji Rêber Apo re azadî, ji pisgirêka Kurd re çareserî" di 21'ê Adarê de dê li dar bikevin

(mh)

ANHA

heleb

kobanê