Li Helebê pêşangeheke wênesaziyê hate lidarxistin

Navenda Çand û Hunerê ya Cemîl Horo û Navenda Şehîd Berçem a Tevgera Hîlala Zêrîn a Helebê, li bajarê Helebê pêşangeheke wênesaziyê bi navê "Kurên Zeytûnan" li dar xist.

Pêşangeh li kafeterya Telê ya li rojhilatê taxa Şêxmeqsûd hate lidarxistin, tê de nêzî 110 tablo û 80 xwendekarên jin û mêr beşdar bûn. Her wiha endamên rêxistin, nûnerên tevgerên civaka sivîl û hejmarek ji şêniyan serlêdana pêşengehê kirin.

Wêneyên pêşangehê mijarên cûrbecûr hewandin, wekî koçberî, girêdana bi axa zeytûnan û fedakariya şervanên Yekîneyên Parastina Jin (YPJ) û YJA-Star’ê.

Her wiha hin ji nexşeyan wêneyên kesayetên navdar ên hunerî, leşkerî, civakî û heta sînemayê jî hewandin.

Destpêka pêşengehê endamên Navenda Çand û Hunerê ya Cemîl Horo, Zîlan Îbrahîm û Sefa Şêxo axivîn.

Herduyan di axaftinên xwe de lidarxistina pêşangehê li hemû beşdaran pîroz kir û spasiya kesên amadekar û beşdar kir.

Li gorî komîteya amadekar a pêşangehê, pêşangeha ku îro saet (4:00) piştî nîvro dest pê kir, biryar e 4 demjimêran li pey hev berdewam bike û di dawiyê de, beşdar werin xelatkirin.

(ac/şx)

ANHA