Li Efrînê mûdîrê dibistanekê îşkence li zarokekî kir

Li bajarê Efrînê yê dagirkirî, mudirê dibistanekê li dijî zarokekî efrînî şîdet bi kar anî.

28 îlon, 2025 20:15

NAVENDA NÛÇEYAN

Rêxistina Mafên Mirovan Efrîn-Sûriye detayên şîdeta li zarokê efrînî Ciwan Osman (12) hatiye kirin, belav kirin.

Rêxistinê bi bîr xistin ku 28`ê Îlonê mudirê dibistana El Itîhad El Erebî yê bi navê Cadullah ku ji derveyî Efrînê ye, şîdet li zarokê efrînî Ciwan Osman (12) bi kar aniye. Ciwan di refa 6 a seretayî de ye. Dibistana navborî li paş stada taxa Efrîna Nû ya li bajarê Efrînê ye.

Rêxistinê diyar kir ku mudir, di cil û bergên Ciwan de lêgerîn kiriye û jê re gotiya ka kêr? Zarok jî bersivandiye ku kêr pê re tune ye. Li gorî bavê Ciwan; lewma mudir li Ciwan xistiye û li pêlekanê wer kiriye.

Rêxistinê vegotina detayên bûyerê wiha domandin: “Dema zarok vedigere mal û ji dayîka xwe re bûyerê vedibêje, dayîk pê re diçe dibistanê ji bo ku sedemê fêm bike. Lê mudirê dibistanê bi ser de diçe û jê re dibêje; biçe li cem kê gilî dikî gilî bike qe ne xema min e”.

(şx)