Li Dirbêsiyê şêniyan banga azadiya fîzîkî ya Rêber Abdullah Ocalan kir

Bi sedan şêniyên bajarên Dirbêsiyê, Til Temir û Zirganê yên kantona Cizîrê di meşekê de soz dan ku heta azadiya Rêber Abdullah Ocalan bi dest bixin, dê têkoşînê bidomînin û li qadan bin.

ROJANE

28 tebax, 2025 21:41

HESEKÊ

Bi sedan şêniyên bajarên Dirbêsiyê, Til Temir û Zirganê yên kantona Cizîrê meşiyan û banga azadiya fîzîkî ya Rêber Abdullah Ocalan kirin. Şêniyan got têkoşîna wan li gorî pêvajoya aştiyê û civaka demokratîk, berdewam e.

Meş ji Qada Jinan a bajarê Dirbêsiyê dest pê kir. Şêniyan hate Qada Şehîdan meşiya. Bi wan re endamên saziyên sivîl, tevgerên ciwanan, jinan û Hêzên Ewlekariya Hundirîn jî meşiyan û alên Rêber Abdullah Ocalan, pankartên “Bijî Serok Apo” û “Bê Serok jiyan nabe” hildan.

Li Qada Şehîdan meş rawestiya û veguherî mitingê. Di mitingê de, endama Kongra Star a Dirbêsiyê Fatme Keleş axivî û got: “Dewleta Tirk a dagirker hîna tecrîda li ser Rêber Abdullah Ocalan didomîne û ti gavan ber bi pêvajoya aştiyê ve navêje.”

Fatme di dawiyê de got: “Em ê têkoşînê bidomînin û heta azadiya fîzîkî ya Rêber Abdullah Ocalan bi dest bixin, dê li qadan bin.”

(şx)

ANHA