Li dijî komploya 9ʹê Cotmehê kampanyaya hashtagê hat destpêkirin

The International Solidarity Network (Tora Hevgirtina Navneteweyî) di çarçoveya beşdarbûn û piştgiriya xwe ji kampanyaya navneteweyî ya ʹJi Abdullah Ocalan re azadî ji pirsgirêka Kurd re çareserîʹ de hemwextî salvegera 26ʹemîn a destpêka komploya navneteweyî li dijî Rêber Abdullah Ocalan kampanyaya hashtagê da destpêkirin.

8 cotmeh, 2024 23:56

NAVENDA NÛÇEYAN

Kampanyaya The International Solidarity Network li gorî dema Ewropa saet 19:00ʹan hat destpêkirin û di saetên destpêkê ya kampanyayê de bi hezaran wêneyên Rêber Abdullah Ocalan û gotinên banga azadiya fîzîkî ya Rêber Abdullah Ocalan dikin û kopyaya hashtagê "#FreeAbdullahOcalan" parve kirin.

The International Solidarity Network li ser malpera xwe ya fermî ji bo beşdarbûna di kampanyayê de bang li her kesî kiribû ku dê di 8ʹê Cotmehê de (şeva 9ʹê Cotmehê ya destpêka komploya navneteweyî ya li dijî Rêber Abdullah Ocalan) dest bi kampanyayê bike.

Di banga xwe de The International Solidarity Network nivîsibû ʹLi dijî Komploya Navneteweyî bangewaziya berxwedanêʹ.

The International Solidarity Network di daxuyaniya xwe de gotibû divê were zanîn ku tecrîda mutleq a girankirî ya li ser Rêber Abdullah Ocalan pirsgirêka Kurdan tenê nîn e, di heman demê de pirsgirêka gelên Tirkiyeyê ye jî.

Dîroka destpêkirina kampanyaya hashtagê dîroka hûnandina komploya li dijî Rêber Abdullah Ocalan e ku di 9ʹê Cotmeha 1998ʹan de hatiye destpêkirin û îro jî salvegera komployê ya 26ʹemîn e.

(fr)