Li Dêrazorê Roja Mamosteyan hat pîrozkirin

Yekitiya Mamosteyan a Kantona Dêrazorê bi boneya Roja Cîhanê ya Mamosteyan de 22 mamoste xelat kirin.

ROJANE

6 cotmeh, 2025 21:11

DÊRAZOR

Yekitiya Mamosteyan a Kantona Dêrazorê, bi hevkariya Desteya Perwerde û Fêrkirinê û Rêxistinên Civaka Demokratîk, bi boneya Roja Mamosteyan a Cîhanî şahiyek li dar xist. Şahî li Hola Meclisa Rêveber a li herêma Meamel bi beşdarbûna mamosteyan û nûnerên saziyên civaka sivîl pêk hat.

Şahî bi deqeyek rêzgirtin dest pê kir. Piştre hevserokê Yekitiya Mamosteyan a Kantona Dêrazorê Hisên El Şewax axivî û got, mamoste afirînerên nifşan û çiraya zanînê ye.

Hisên El Şewax ji mamosteyan re got "Hûn bi sebir, ked û dilsoziya xwe xwe nirxan diçînin. Bi keda we welat pêş dikeve û û nifş ava dibin. Peyvên spasdariyê ji bo keda we kêm in."

Endamê Desteya Perwerde û Fêkirinê ya Kantona Dêrazorê Ebdulqadir Dewara, ji mamosteyan re ev gotin got: "Hûn mamoste, stûnên bingehîn ên avakirina siberoja neteweyan ne. Rola we ne tenê bi dayîna zanînê ve sînordar e, di heman demê de ber bi pêşxistina nirx hiş û avakirina kesayetan ve diçe."

Di dawiya şahiyê de 22 mamoste hatin xelatkirin.

(ac/bb)

ANHA