Berhemên aboriya bi pêşengiya jinan

Komîteya Kooperatîfan a Kantona Dêrazorê bi desteka Meclisa Aborî û Çandiniyê, li bajarên Hecîn, Kisra û Siwerê 3 proje vekirin. Her sê proje ji aliyê jinan ve tên birêvebirin û 75 jin sûdê jê werdigirin. Di vê xebatê de ji berhemên xwecih wekê leçer, sebzeyên kesidandî, şêranî, miloxiyê, dimisa îsotan û mekdûs tên çêkirin.

Der barê mijarê de hevseroka Komîteya Kooperatîfên Dêrazorê, Nûr El Ziyab diyar kir ku vekirina van projeyan yek ji plansaziya îsal (2025) a Meclisa Aborî û Çandinî ya Herêma Bakur û Rojhilatê Sûriyeyê ye û got: "Meclisê ji bo pêşxistina hilbirîna xwecih û dabînkirina derfetên kar budceyek ji kooperatîfan re veqetandiye".

Nûr El Ziyab destnîşan kir ku ev xebat ji aliyê jinan ve tên birêvebirin û got, armanc pêşxistin rola jinan di qada aborî û kooperatîfan de ye.

Nûr El Ziyab di dawiyê de got: "Armanca me avakirina civakekê ye ku xwe dispêre berhemên xwe yên xwecih, rola jinan di vê civkê de girîng û bibandor be. Em hêvî dikin ku ev xebat bibin destpêka serkeftinên zêdetir û îlham bidin jinan ku beşdarî karê aborî û kooperatîfan bibin. Bi vî rengî em dikarin aboriya civakê pêş bixin."

(bb)

ANHA