Li Dêrazorê 18 şehîd hatin bibîranîn

18 şehîdên di mehên Çile û Sibatê de şehîd bûne, li bajarokê Hecînê yê Dêrazorê hatin bibîranîn.

ROJANE

17 sibat, 2024 15:02

DÊRAZOR

Meclisa Malbatên Şehîdan a bajarokê Hecînê yê Dêrazorê merasîmê bîranîna 18 cangoriyên mehên Çile û Sibatê yên di sal û li deverên cuda de şehîd bûne, li dar xist.

Bîranîn li avahiya Meclisa Malbatên Şehîdan a Hecînê bi beşdarbûna malbatên şehîdan û endamên saziyên sivîl hat lidarxistin.

Piştî deqeya rêzgirtinê hevserokê Meclisa Malbatên Şehîdan a Hecînê Rakan El Fireyîh axivî û got: "Cihê şehîdan li dinya û axiretê bilind e.”

Endamê Meclisa Malbatên Şehîdan Şemlan Ewed jî bal kişand ser fedakariyên şehîdan ên ji bo azadî û parastina ewlehiyê herêmê. Şemlan Ewed soza şopandina xeta şehîdan da.

Endamê Meclisa Dêrazorê ya Partiya Sûriyeya Pêşerojê Samir El Ubeyd axivî û da zanîn ku bi ked û xwîna şehîdan herêm ji terorê hate rizgarkirin.

Di merasîmê de endama Kombûna Jinan a Zenûbiyayê Sefa Etiyê jî wiha got: "Şehîdan ji bo parastina xak û rûmeta gelê xwe berdêlên giranbuha dane."

Di dawiyê de mûm li ber wesîqeyên şehîdan hatin pêxistin.

(bb)

ANHA