Dayikên Aştiyê bertek nîşanî êrişan da

Li bakurê Kurdistanê êrîşên dewleta Tirk û komên wê yên paramîlîter ên li dijî Bakur û Rojhilatê Sûriyeyê ji aliyê Dayikên Aştiyê yên li Amed, Îzmîr û Wanê ve hatin bersivandin. Dayikan di daxuyaniya xwe de êrîş şermezar kirin û bal kişandin ser xeteriyên ku jin û zarok pê re rû bi rû ne.

 AMED

 Meclisa Dayikên Aştiyê bertek nîşanî êrîşên dewleta Tirk û komên paramîlîter ên girêdayî wê yên li dijî Bakur û Rojhilatê Sûriyeyê da, li avahiya komeleyê ya Amedê daxuyaniyek da. Berdevka Meclîsa Jinan a Partiya Wekheviya Gelan û Demokrasiyê (DEM) Halîde Turkoglu, hevserokên DEM Partiyê yên Amedê, Hevserokên Partiya Herêmên Demokratîk (DBP) ya Amedê, Tevgera Jinên Azad (TJA), Komeleya Piştevaniya Malbatên Girtiyan (TUAY-DER). ), Federasyona Komeleyên Hevgirtina Hiqûqî ya Malbatên Girtî û Mehkûm (MED TUHAD-FED) beşdar bûn. Di daxuyaniyê de pankarta “Bi Rihê Kobanê emê Rojava biparêze” hate qîrîn.

 'BİLA ŞER RAWESTÎNİN, EM ŞER NAXWAZİN'

 Dayika Aştiyê Raîfe Ozbey ku ewil li vir axivî, diyar kir ku komên çete li Bakur û Rojhilatê Sûriyeyê jin, zarok û extiyar koçber kirin, sivîl qetil kirin û dîl girtin û got:"Em şer naxwazin. Bila dev ji vî şerî berdin. Bi tank û topan êrîş dikin. Çi ji gelê Rojava dixwazin? Di vê de tu maf, hiqûq û edalet tune. Bila êdî aştî were dinyayê. Em şer qebûl nakin. Mirov tên qetilkirin. Ev nayê qebûlkirin, em qebûl nakin. Êdî bes e, bes e!”

Halîde Turkoglû ku pişt re mafê axaftinê girt, banga rawestandina êrîşan kir.

Daxuyanî bi çepik û dirûşmeyan bi dawî bû.

ÎZMİR

Înîsiyatîfa Dayikên Aştiyê yên Îzmîrê bi civîneke çapemeniyê li avahiya DEM Partiyê ya Îzmîrê êrîşên li ser Bakur û Rojhilatê Sûriyeyê şermezar kirin. Li ser navê însiyatîfê Dayika Aştiyê Cemîle Aydin axivî.

 Cemîle Aydin, da zanîn ku her çend hikûmet soza aştiyê dide jî, ji tayînkirina qeyûmên li şaredariyan, binçavkirin û zext dewam dikin û got:"Ger Erdogan û Bahçelî behsa aştiyê dikin, çima operasyonên xwe didomînin? Bila ji bo berjewendiya gelê tirk û kurd dawî li vê zilmê bînin. "

 WAN

 Meclîsa Dayikên Aştiyê ya Wanê têkildarî êrîşên li dijî Rojava li ber avahiya DBP'ê ya Wanê daxuyaniyeke çapemeniyê dan. Di daxuyaniyê de pankarta "Bi rihê Kobanê em ê Rojava biparêzin" hat vekirin. Rêxistina DBP'ê ya Wanê, Rêxistinên Navçe û navçeyan ên Partiya Wekhevî û Demokrasiyê ya Gelan (DEM Partî), Parlamenterên DEM Partiyê yên Wanê Gulcan Kaçmaz Sayigît, Sînan Çîftyûrek, Zulkuf Uçar û gelek welatî beşdarî daxuyaniyê bûn.

 'EM Bİ KULÎLKÊN SPÎ DİÇİN CEM HER KESÊ KU GAVÊN AŞTİYÊ DİAVÊJE'

 Endama Meclîsa Dayikên Aştiyê ya Wanê Zekiya Kaya di daxuyaniyê de axivî û diyar kir ku ew êrîşên dijminane û şerê li dijî Rojava qebûl nakin û got:"Em bi kulîlkên spî diçin cem her kesê ku gavên aştiyê diavêje."

 'ARMANCA WAN TENÊ QİRKİRİNA KURDAN E'

 Endama Meclîsa Dayikên Aştiyê ya Wanê Rabîa Algor diyar kir ku divê her kesên xwedî wijdan rabin ser piyan û êrîşên li Rojava şermezar kirin. Rabia Algor got, “Mafê wan ê vê yekê nîne. Em dizanin kî destekê dide DAIŞ’ê. Em vê yekê qebûl nakin."

 Daxuyanî bi dirûşmeyên “Bijî berxwedana Rojava” bi dawî bû.