Li Bakur û Rojhilatê Sûriyeyê pîrozbahiyên serketina Tişrînê

Şêniyên Herêma Bakur û Rojhilatê Sûriyeyê ji bo serketina berxwedana Bendava Tişrînê pîrozbahî li dar xistin û got e bi boneya serkeftina berxwedana Bendava Tişrînê şahî li dar xistin û soza domandina berxwedanê û parastina destkeftiyên şehîdan dubare kir.

ROJANE

5 gulan, 2025 22:17

NAVENDA NÛÇEYAN

Bi boneya serkeftina berxwedana Bendava Tişrînê ku zêdetirî 100 rojî li hemberî êrişên dewleta Tirk a dagirker dewam kir, li seranserî Herêma Bakur û Rojhilatê Sûriyeyê pîrozbahî hatin organîzekirin.

Di şahiyan de girse û nûnerên Rêveberiya Xweseriya Demokratîk beşdar bûn. Girseyê wêneyên Rêber Abdullah Ocalan, wêneyên rojnamevan Cîhan Bîlgîn, Nazim Daştan û Egîd Roj ên ku dema şopandina êrişên dagirkeriya Tirk û çeteyên wê li dijî Bendava Tişrînê şehîd bûbûn, hatin hildan.

Der barê serketina Berxwedana Bendava Tişrînê de, Rêveberiya Xweseriya Demokratîk a Herêma Bakur û Rojhilatê Sûriyeyê daxuyaniyek dabû û got berxwedana Bendava Tişrînê bû sembola berxwedanê ya niştîmanî û di wê berxwedanê de pêkhateyên herêmê îsbat kir ku ew dikarin xak û destkeftiyên xwe biparêzin.

Hêjayî bibîrxistinê ye ku dewleta Tirk a dagirker ji 8’ê Çileya 2025'an de dest bi êrişên dijî Bendava Tişrînê kirin, her wiha li dijî tevahî herêmê jî êriş pêk anîn. Bendav tevî cihê xwe yê stratejîk avê û enerjiyê ji bo bi mîlyonan welatiyên herêmê peyda dike. Ji bo parastina bendavê ji êrişan gelê Herêma Bakur û Rojhilatê Sûriyeyê kom bi kom li bendavê nobedarî dikir.

(mh/fr)

ANHA

amudê

Çil axa

Tirbe sipiye

Girkê legê

Dêrik

Qamişlo