Li bajarê Meskenê civînek hat lidarxistin

Rêveberiya Xweseriya Demokratîk a kantona Tebqa li Komeleya Perwerdê ya bajarê Meskenê bi beşdariya xelkê bajêr û endamên saziyên şaredarî, çandinî, kehrebe, perwerde û mixtarê yên hikumeta berê re li dar xist.

Di civînê de hevserokê Meclisa Rêveber a Rêveberiya Xweseriya Demokratîk a Kantona Tebqa, nûnerên saziyên Rêveberiya Xweseriya Demokratîk a kantona Tebqa, Desteya Aborî û Civakî, Desteya Perwerdê û Fêrkirinê, Gerînendetiya Sotmeneiyê, Yekitiya Şaredariyan û Gerînendetiya Firn û Aşan beşdar bûn.

Ev civînê di çarçoveya lidarxistina rêzecivînên li bajar û bajarokên rizgarkirinê de ku sazî ji nû ve bên vekirin û xizmetguzarî bên pêşkêşkirin, hat lidarxistin.

Di civînê de mekanîzmeya xebata saziyan û girîngiya vekirina wan di leztirîn dem de hatin nîqaşkirin.

Hevserokê Meclisa Rêveber a Kantona Tebqa Ehmed El Omer axivî û got: "Jinûve vekirina saziyan girîng e ku kar û barên şêniyan were hêsankirin û têkilî di navbera Rêveberiya Xweser û xelkê li Meskenê de bê xurtkirin."

Her wiha El Omer behsa astengiyên siyasî û xizmetguzarî yên li herêmê û bûyerên dawîn ên li Sûriyeyê kir.

Di dawiya civînê de serjimariya şênî, dibistan, saziyên li bajêr hatin girtin. Her wiha Rêveberiya Xweser soz da ku pêdiviyên lezgîn pêşkêş bikin û saziyên di leztirîn dem de aktîv bikin.

(fr)

ANHA