Komîteya Yekrêziya Kurdan di nava salekê de çi kir?

Salek li ser lidarxistina "Konferansa Yekhelwestiya Kurdî li Rojava"derbas bû. Konferans di 26`ê Nîsana 2025`an de li Qamişlo hate lidarxistin, lê pêkanîna encamên wê û xebata komîteya ku hat damezrandin pir giran bi rê ve diçe.

Ji konferansê belgeyek siyasî ya hevbeş derket holê ku wekî çarçoveyek giştî ji bo nêrîna yekgirtî ya Kurdan ji bo Siberoja Sûriyeyê tê hesibandin. Di belgeyê de bang hat kirin ji bo çareseriyek dadperwer ji bo pirsgirêka Kurd di nav dewletek demokratîk û piralî de û her wiha hat xwestin mekanîzmayek şopandinê were danîn ji bo pêkanîna encaman bi rêya komîteyek siyasî ya taybetî.

AVAKIRINA KOMÎTEYA ŞOPANDINÊ Û ERKÊN WÊ

Piştî konferansê, ji bo şopandina pêkanîna xalên li ser hatiye lihevkirin, komîteyek ji nûnerên hêzên beşdar hat avakirin. Li gorî gelek dezgehên medyayê yên Kurdî û Erebî yên bi karûbarên Kurdî dişopînin, erkên komîteyê ev bûn:

Çavdêriya pêkanîna bendên belgeya siyasî.

Nêzîkirina nêrîna partiyên Kurdî de.

Xebat were kirin ji bo avakirina şandeyeke siyasî ya Kurd a yekgirtî.

Vekirina kanalên diyalogê bi aliyên din ên Sûriyeyê re.

XEBARÊN KOMÎTEYÊ YÊN SALEKÊ

Di sala 2025`an de, komîteyê rêze civîn û kombûn di navbera partiyên siyasî yên Kurdî de li dar xist û tevlî nîqaşên li ser mekanîzmayên hevkariyê bû. Wekî din, aliyên tev li konferansê bûn her tim bal kişandin li ser girîngiya parastina "ruhê têgihîştina siyasî" ya ku ji konferansê derket holê.

Lêbelê, wekî ku di rapor û analîzên di nav salê de hatine weşandin de tê xuyakirin, pêşveçûn tenê di asta sazîbûnê de ma. Çarçoveyek siyasî ya yekgirtî û daîmî nehat ragihandin, û komîte hîn nekariye bi erkê xwe yê sereke yê danûstandinan bi hikûmeta demkî ya Sûriyeyê re derbarê siberoja Kurdan de berdewam bike.

Lêbelê, tiştê ku di alekê de hat bidestxistin gavek bingehîn e ber bi avakirina bingehek hevpar ve, her çend hîn negihîştibe qonaxa yekbûna tevahî. Ji ber ber ku berdewamiya civînan bi xwe xalek erênî di têkiliyên siyasî yên Kurdî di nav Sûriyeyê de, bi taybet piştî êrişa leşkerî ya li ser Bakur û Rojhilatê Sûriyeyê, ku di wê demê de yektiyek Kurdî ya bi hêz pêk hat dûrî berjewendiyên partîtî.

Di demên pêş de hin berpirsyariyên siyasî yên girîng dê derkevin pêş, di nav de hilbijartina nûnerên herêmê di parlementoya Sûriyeyê de, her wiha pêvajoya nivîsandina destûrek daîmî ji bo welêt. Her wiha gotûbêjin li ser çawaniya bicihkirina beryarnameyên dawî yên têkildarî pirsgirêka Kurd di vê destûrê de bi awayekî ku mafên destûrî û siyasî yên Kurdan garantî bike.

(k)

ANHA