Komeleya Perwerdehiyê ya Şedadê çalakiyek li dar xist

Di çarçoveya Roja Zarokan a Cîhanê û Roja Têkoşîna li Dijî Tundiya li Ser Jinan a Navneteweyî de, Komeleya Perwerdehiyê ya Şedadê çalakiyek li dar xist.

ROJANE

26 mijdar, 2024 20:34

HESEKÊ

Di çarçoveya Roja Zarokan a Cîhanê û Roja Têkoşîna li Dijî Tundiya li Ser Jinan a Navneteweyî de Komeleya Perwerdehiyê ya bajarê Şedadê ya kantona Cizîrê çalakiyek li dibistana Bêrûnî li dar xist.

Di çalakiyê de mamoste û xwendekarên dibistanan beşdar bûn.

Di serî de rêvebera Komeleya Perwerdehiyê Nede El Hilo diyar kir ku ev çalakî ji bo bibîranîna Roja Zarokan a Cîhanê û Roja Têkoşîna li Dijî Tundiya li Ser Jinan a Navneteweyî ye. Nede got: "Em hewl didin nifşekî zana û zanist bigihînin."

Li ser navê Meclisa Malbatên Şehîdan rêveberê meclisê Ebdulmecîd El Etiye got: "Em dizanin ku pêvajoya perwerdehiyê bi awayekî serkeftî didome. Ev jî ji bo avakirina pêşerojeke baştir gaveke girîng e."

Piştre govend hatin gerandin, şanoyek li ser komkujiyên li djî zarokan û şanoyek li ser zewicandina zarokan hat pêkêşkirin. Her wiha Meclisa Malbatên Şehîdan û Komeleya Perwerdehiyê zarokên şehîdan xelat kirin.

(mh/fr)

ANHA