Kampanyaya ‘Jingeha me pêşîniya me ye’ dest pê kir

Meclisa Jin a Kongra Îslama Demokratîk starta kampanya paqijiyê ya bi navê “Jîngeha me pêşîniya me ye” da.

25 gulan, 2024 11:35

QAMIŞLO

Kampanya ku çend roj beriya niha agahdariya wê hatibû kirin, îro li çerxerêya Xelît a li taxa Kornîş a bajarê Qamişlo hat destpêkirin.

Endamên meclisa jin û gelek welatiyên ku li pêşiya avahiya Kongreya Îslama Demokratîk kom bûn, maske û lepik belav kirin, li kolanan gilêş (çop) kom kirin.

Di çarçoveya kampanya ku bi armanca pêşxistina çanda paqijî û parastina hewirdorê bi desteka şaredariyên gel tên birêvebirin de, wê her hefteyê roja şemî û duşemê li kolanên bajar paqijî bê kirin.

Li gorî bernameya kampanyayê wê bi riya komînan sardana malan were kirin û têkildarî parastina hawirdorê agahdarî werin kirin. Her wiha ji 1`ê Hezîranê heta 1`ê Îlonê hefetyê carekê, wê li mizgeftan derbarê xwedîderketina li xwezayê û paqijiyê de agahdarî were kirin.

Dîsa wê qutiyên çopê, birûşorên hişyarkirinê, maske, kîsên çopê û dezenfekte bên belavkirin.

Kampanya ku dê heta 15’yê îlonê dom bike, wê li Hesekê jî bê meşandin.

(ekip/a)

ANHA